Memoria Historiko Integralerako Legea bultzatuko du Legebiltzarrak
Eusko Legebiltzarrak Memoria Historiko Integralerako Legea tramitatzeko aukera ireki du. Egitasmoa EAJk, EH Bilduk, Elkarrekin Podemosek eta Euskadiko Alderdi Sozialistak adostu dute. Alderdi Popularra, berriz, kontra agertu da.
Proposamena EAJk eta PSEk aurkeztu dute eta EH Bilduk eta Elkarrekin Podemosek hainbat zuzenketa egin dizkiote testuari. Aldaketak eginda, lau taldeen babesa jaso du ekimenak.
Aipatzekoa da joan den astean EH Bilduk egindako Memoria Historikorako lege-proposamena baztertu zuela Legebiltzarrak. Koalizioa soberanistaren egitasmoak Elkarrekin Podemosen babesa soilik lortu zuen.
Gauzak horrela, memoria historikoaren esparruan beharrizanak eta gabeziak zeintzuk diren zehazteko eskatu dio Legebiltzarrak Gogora Institutuari. Zortzi hilabeteko epea izango du lan hori egiteko.
Txosten horren arabera egingo lukete Memoria Historiko Integralerako Euskal Legea eta prozesu horretan esparru horretan diharduten erakunde eta gizarte-eragileek hartuko lukete parte.
Horrez gain, Estatuan indarrean dagoen Memoria Historikoaren Legea behin eta berriro urratzen dela salatu eta erakundeek arau hori betetzen dela bermatu behar dutela azpimarratu dute.
Iñigo Iturrate EAJko parlamentariak zehaztu duenez, gaur abiarazitako prozesuak ez du zertan lege batean amaitu behar, "baina ekimen honekin argi utzi nahi dugu EAJk frankismoaren biktimen gaiari seriotasunez heltzen diola".
Positibotzat jo du akordio zabala lortu dutelako eta erantsi du "aurrerantzean etor daitekeena" ez dela "EAJren araberako lege bat izango".
Julen Arzuaga EH Bilduko legebiltzarkideak, ostera, EAJren jarrera kritikatu du, Memoria Historikorako Euskal Legea izateko "bere baldintzak" ezarri dituelako eta duela astebete koalizio soberanistak egindako proposamenaren kontra bozkatu zuelako.
"Testua sinatu dugu, lege horretara hurbiltzen gaituela ulertzen dugulako. Badirudi behingoz martxan jarri garela. Txostenaren ondotik legea etorriko da, ez zait legerik ez egoteko beste aukerarik bururatzen", azaldu du.
Jon Hernandez Elkarrekin Podemoseko parlamentariak esan du EAJk "maniobra taktikoa" egin duela, lege hori Eusko Jaurlaritzaren ekimenez atera dela esan ahal izateko.
Rafaela Romero PSEko ordezkaria pozik agertu da talde ezberdinen arteko akordioa posible izan delako. Halaber, Frankismoak eragindako biktimak aintzat hartzeko euskal legea ezinbestekotzat jo du.
Alderdi Popularra izan da ekimen honen aurka bozkatu duen talde bakarra. Carmelo Barrioren esanetan, "lege hori ez da beharrezkoa".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.