Jordi Sanchez eserlekua uzteko prest dago espetxetik ateratzeko
Jordi Sanchez ANCko presidente ohi eta Generalitateko presidentegaiaren defentsak astearte honetan jakitera eman duenez, Sanchezek abenduaren 21ean JxCatekin lortutako eserlekuari uko egingo dio eta unibertsitateko irakaskuntzara itzuliko da.
Jordi Pina abokatuaren hitzetan, Sanchez Parlamentuko diputatu akta eta politika uzteko prest egongo litzateke. Hori da, hain zuzen, bere abokatuak Auzitegi Gorenean gaur Sanchezen askatasuna eskatzeko helegitearen berrikusketan defendatu duena bere bezeroaren askatasuna lortzeko.
Goreneko iturriek jakinarazi dutenez, Pinak esan du Sanchez ez dela inoiz politikan egon, irakaskuntzan baizik; eta, horretara itzuliko litzateke, berak nahi duen gauza bakarra askatasunean egotea baita, bere alabak besarkatzeko; eta ondorioz, politikari uko egin behar badio, egingo duela esan du.
Bestalde, Auzitegi Goreneko Fiskaltzak Jordi Sanchez espetxean mantentzea eta Joaquim Forn Barne kontseilari ohia fidantzapean aske uztea eskatu du.
Fiskaltzaren eta akusazio partikularra egin duen Vox alderdiaren esanetan, Sancehzek dirua bidegabe erabiltzeko, eta matxinada eta sedizioa delituak berriz egiteko arriskua dago.
Hala adierazi dute bi aldeek gaur, asteartea, Auzitegi Goreneko apelazioen aretoen egindako saioan, Francisco Montende, Alberto Jorge Barreiro eta Miguel Colmenero magistratuen aurrean. Sanchezen defentsak aske uztea eskatu du, delitua berriz egiteko arriskurik ez dagoela argudiatuta.
Ministerio Publikoaren jarrera ezberdina izan da Sanchezen kasuan eta Fornen kasuan. Hala, Barne kontseilari ohia 100.000 euro ordainduta aske utzi ahal izatea eskatu du.
Fornen kasuan, Fidel Cadena fiskalak ez du argudiorik aurkeztu magistratuen aurrean, eta esan du Julian Sanchez Melgar Estatuko fiskal nagusiaren aginduz egin dutela eskaria.
Hala, Fornen helegitea aztertzeko saioan -ordu erdi inguru iraun du- fiskalak eskaera egin du, hortaz, baliteke kontseilari ohia aske uztea erraztea, baina Voxek egindako akusazio partikularrak behin behineko espetxealdian jarraitzea eskatu du.
Buruzagi katalanak Soto del Real eta Estremerako kartzeletatik Auzitegi Nazionaleko kalabozoetara eraman dituzte goizean, saioan parte hartu ahal izateko.
Fornek auzi-saioan izateko eskubideari muzin egin zion atzo, baina izapidea ez zen garaiz heldu eta gaur berdin-berdin eraman dute Auzitegira.
Hirugarren aldia da Gorenak Fornen eta Sanchezen espetxealdia berrikusten duena. Gorenaren arabera, epaileak gaur ez du erabakirik hartuko.
Fornen helegitea aztertzeko saioa 10:20an hasi da. Ordu erdi geroago abiatu da Sanchezena.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.