Puigdemont atxilotu dute Alemanian, Danimarkatik sartzen ari zela
Alemaniako Poliziak Carles Puigdemont Kataluniako presidente ohia atxilotu du, Dinamarkako muga zeharkatu eta berehala. Jaume Alonso-Cuevillas bere abokatuak jakitera eman duenez, Espainiako Justiziak luzatutako euroagindua dela eta geldiarazi dute Puigdemanot muga pasatu eta lasterrera.
Hasiera batean nahasmena egon da "atxikita" edo "atxilotuta" ote zegoen, baina 13:00ak pasata, Espainiako Gobernuak jakinarazi du ofizialki "atxilotuta" dagoela adierazi diola Alemaniako Gobernuak.
Kataluniako presidente ohiaren abokatuak jakitera eman duenez, tratua "zuzena" izan da une oro, eta komisaldegi batean dago euroaginduaren xehetasunak aztertu eta galderak erantzuten. Puigdemont Belgikara itzultzen ari zela azaldu du bere abokatuak, "beti bezala, Belgikako Justiziaren eskura jartzeko", eta bere defentsa juridikoa martxan dela ere nabarmendu du.
Espainiako Fiskaltza lanean dabil Alemaniako Fiskaltzarekin eta Eurojustekin, behar duten dokumentazio eta material guztia eskaintzeko, xede izanik atxilotze-euroagindua abian jartzea.
Alemaniako Justizia sistemaren arabera, iparraldean dagoen Schleswig-Hostein Estatu federatuko Fiskaltza nagusia izando da presidente ohiaren kontrako euroagindua aztertuko duena.
Waterloora zihoan, autoz
Schleswig Holstein Uwe Keller Polizia Kriminalak baieztatu du 11:19an geldiarazi dutela presidente ohia, A7autobidean, Hanburgorako noranzkoan.
Atzo egun osoan Finlandiatik atera ote zen edo ez hizketan aritu ziren komunikabideak. Bezperan hitzaldia eman zuen Helsinkin eta ostiralean han harrapatu zuen Pablo Llarenak bera zein herbestean diren gainontzeko kontseilariak atxilotzeko emandako euroaginduaren albisteak. Handik Waterloora, Belgikan bizi den lekura, autoz itzultzen ari zela atxilotu du Poliziak.
Puigdemont Espainiaratzeko epea
Carles Puigdemont Generalitateko presidente ohia euroaginduagatik Alemaniatik Espainiara eramateko epea 10 egunetik 60 egunera artekoa da.
Europako legediaren arabera, norbere herrialdera entregatzeko baimena emanez gero, 10 egunetan egiten da. Bestela, 60 egunera arteko epea dago atxilotua eskatzen duen herrialde horretara eramateko.
Espainiako Fiskaltza lanean dabil Alemaniako Fiskaltzarekin eta Eurojustekin, behar duten dokumentazio eta material guztia eskaintzeko, xede izanik atxilotze-euroagindua abian jartzea.
Albiste gehiago politika
Santos Cerdanek errugabea dela ziurtatu du: "Ez dut ezer egin UCOk esan duenaz"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du ez duela bere burua ezagutzen Koldo edo Jose Luis Abalosekin filtratutako elkarrizketetan.
Nafarroako PPko presidenteak curriculumaren datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin ez duen ustezko gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".