EPPK-k torturak 'kutsatutako' prozedura judizialak baliorik gabe uzteko eskatu du
EPPK Euskal Preso Politikoen Kolektiboak torturak eragindako ondorio guztiak konponbidean jartzea eskatu du, "bai fisikoak, bai psikologikoak eta baita penalak ere".
EPPKk salatu du Guardia Zibilak, Polizia Nazionalak eta Ertzaintzak tortura modu sistematikoan erabili dutela eta ez ETAko kideen kontra bakarrik: "Tortura ez da izan tresna selektibo bat, ikerketek erakusten duten bezala, aipatu indar armatuek herritar ororen aurka erabili izan dute". "Izua zabaltzeko" erabili dutela ere zehaztu du presoen kolektiboak igande honetan Berria eta Gara egunkarietara bidalitako agirian.
Presoen Kolektiboaren arabera, bere kide gehienak torturatuak izan dira eta espetxeetan ere torturarekin pareka daitekeen "egoera gizagabean" mantentzen dituztela nabarmendu dute.
Egoera horretan, torturak jasan dituzten presoek ez dutela kalte psikologikoei aurre egiteko laguntzarik jaso salatu dute, eta batzuk ezin izan dituztela ondorioak gainditu.
Horregatik, eskaera zuzena egin dute: "torturak eragindako ondorio guztiak konponbidean jartzea, bai fisikoak, bai psikologikoak eta baita penalak ere" . "Ohartarazi nahi dugu, norberak jasandako kalte fisiko eta psikologikoaz gain, torturaren ondorioak penalak ere badirela. Torturatzaile eta epaileen arteko ezinbesteko kolaborazioa egon delako preso politiko askori espetxe zigorra ezartzeko. Horregatik, eskuliburu juridikoek tortura kasuetarako esaten dutena aplikatzea eskatzen dugu: torturaz nola edo hala kutsaturik dauden prozedura judizial guztiak balio gabe gera daitezela" adierazi du EPPKk.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.