NBEren Giza Eskubideen Batzordeak onartu du Puigdemonten salaketa
Espainiako Estatuak bere eskubide politikoak urratu dituela iritzita, Carles Puigdemont presidenteak Nazio Batuen Erakundeko (NBE) Giza Eskubideen Batzordearen aurrean aurkeztutako salaketa tramitera onartu du erakundeak.
Batzordeak atzo, Puigdemont Alemaniako epaileen aurrean zegoela, onartu zuen demanda.
Aurretik ere tankerako erabakia hartu zuen NBEren Batzordeak, Jordi Sanchez presidentegai izandakoak aurkeztutako beste salaketa baten harira. Orduko hartan, izapidetzea onartzeaz gain, Sanchezen eskubide politikoak bermatu behar zituela ohartarazi zion Espainiari.
Oraingoan, ordea, ez du kautelazko neurririk hartu, baina presidenteari galdegin dio "zer nolako neurriak" eskatu nahiko lituzkeen.
Puigdemonten argudioak
Martxoaren 1ean aurkeztu zuen salaketa Puigdemontek, eta hilabetea bete baino lehen onartu du Batzordeak. Dena dela, ebazpenak luzeago joko du, Espainiari berari sei hilabeteko epea eman baitzaio erantzuteko.
Presidenteak aurkeztutako idatziaren arabera, Espainiak Giza Eskubideen Adierazpen Unibertsala eta Eskubide Zibil eta Politikoen Gutuna urratu ditu. Tratatu horien arabera, hauteskundeetara aurkezteko eskubidea du Puigdemontek, "Kataluniaren independentzia lortzeko helburuarekin beste alderdi politiko subiranistekin batera aritzeko eta horiei elkartzeko askatasuna" baitu, eta Kataluniako independentzia babesteko eskubidea ere badu, adierazpen askatasunari jarraiki.
Puigdemonten aburuz, "Espainiako Erresumak behin eta berriz urratu ditu eskubide horiek guztiak". Izan ere, Parlamentuaren gehiengoak presidente izendatu zuen, baina Espainiako agintariek izendatzea oztopatu zuten.
Horren aurrean, hautua egin behar izan du: "Kataluniara bueltatu eta arbitrarioki atxilotua izatea, erbestean presidente izaten jarraitzea edota beste hautagai bati presidente izateko aukera ematea".
NBEren Giza Eskubideen Batzordea 18 aditu independenteek osatzen dute. Eskubide Zibil eta Politikoen Nazioarteko Ituna betetzen ari ote den egiaztatzea da euren zeregina.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.