Ponsati Edinburgoko polizia-etxe batean entregatuko da asteazken honetan
Clara Ponsati kargugabetutako kontseilaria Edinburgoko (Eskozia) polizia-etxe batean entregatuko da asteazken honetan, Aamer Anwar Kataluniako politikariaren abokatuak gaur jakitera eman duenez.
Hezkuntza sailburua 09:30 aldera St Leonardseko polizia-etxera joango dela iragarri du abokatuak. Polizia-etxera sartu baino lehen adierazpen laburra eginen dute, agiri batean azaldu duenez.
Polizia-etxean sartu ondoren, Ponsati atxilotu egingo dute, Espainiako Justiziak igorritako euroagindua betez. 2017ko urriaren 1eko erreferendumean parte hartzeagatik auzipetu dute.
Tramite horiek bete ondoren, Ponsati Edinburgoko epaitegi batera eramango dute, 13:00ak aldera estradizioaren inguruko saioa egiteko. 30-60 minutuko iraupena izan dezake, Anwarrek azaldu duenez.
Une horretan, Kataluniako politikariaren baldintzapeko askatasuna eskatuko du abokatuak. Aste batzuk barru prozedura judizialari hasiera emateko data bat zehaztea espero da.
Aamer Anwar, Clara Ponsatiren abokatua. Argazkia: EFE
"Erreferendumaren antolakuntzarekin lotuta, Clara Ponsatiri matxinada eta diru publikoak bidegabe erabiltzea leporatu dizkiotela ulertzen dut; nire bezeroak erabat ukatzen ditu", erantsi du abokatuak agirian.
"Espainiaratzeko saiakeren aurrean irmo defendatzeko agindua eman dio Ponsati irakasleak nire lantaldeari", gaineratu du abokatuak.
Anwar Glasgowko Unibertsitatearen errektorea da. Abokatuak azpimarratu duenez, "jazarpen politikoa" salatu eta bere giza eskubideak Espainiako auzitegietan bermaturik egongo ez liratekeela uste du Ponsatik.
"Clara adoretsu eta kementsu dago; Espainiako Gobernuak Kataluniako herriaren arima sekula makurraraziko ez duela uste du", nabarmendu du politikari independentistaren ordezkariak.
Bere bezeroak Eskozian jaso duen babesa goraipatu du abokatuak. Besteak beste, Nicola Sturgeonen Exekutiboak babesa adierazi diola gogorarazi du. Eman beharreko pausoak Erresuma Batuko auzitegiek zehaztea egokia dela azaldu du Anwarrek.
Kataluniako Hezkuntza kontseilaria martxoan heldu zen Eskoziara, St Andrewseko Unibertsitate ospetsuan lan egiteko. 2016ra arte Ekonomia eta Finantza irakaslea izan zen bertan.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.