Clara Ponsati baldintzapean aske utzi dute Eskozian
Eskoziako epaitegi batek baldintzapean aske utzi du Clara Ponsati Kataluniako Gobernuko Hezkuntza kontseilari kargugabetua, Espainiako Auzitegi Gorenak agindutako estradizioari buruzko erabaki bat hartu bitartean.
Ponsati bere borondatez joan da Edinburgoko komisaria batera goizean, astelehenean iragarri zuen bezala. Handik epailearen aurrera eraman dute, aurretiazko saioa egiteko.
Epaileak pasaportea kendu dio eta baldintzapean aske utzi du. Hurrengo saioa datorren apirilaren 12an egingo dute.
Ponsatik duela bost hilabete inguru egin zuen ihes Belgikara, Carles Puigdemont eta beste hiru kontseilari ohirekin batera. Joan den martxoaren 10ean, baina, Eskoziara joango zela iragarri zuen, Saint Andrews Unibertsitatean irakasle moduan jarduteko.
Aamer Anwar defentsako abokatuak kazetarien aurrean esan duenez, Ponsati estradizioaren kontra agertu da eta leporatzen dizkioten karguak "irmotasunez" ukatu ditu epailearen aurrean.
"Auzi honen atzean motibazio politikoa dagoela eta egia erabat desitxuratu dutela frogatzeko eskatu dit Clarak", erantsi du abokatuak.
Espainiako Auzitegi Gorenak matxinada eta diru publikoa bidegabe erabili izana egotzi dio Ponsatiri, 2017ko urriaren 1eko erreferenduma antolatzeagatik.
Albiste gehiago politika
Santos Cerdanek errugabea dela ziurtatu du: "Ez dut ezer egin UCOk esan duenaz"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du ez duela bere burua ezagutzen Koldo edo Jose Luis Abalosekin filtratutako elkarrizketetan.
Nafarroako PPko presidenteak curriculumaren datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin ez duen ustezko gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".