Comin, Serret eta Puig aske egongo dira, Belgikak euroagindua aztertu bitartean
Bruselako Fiskaltzak jakinarazi du Belgikan dauden Kataluniako hiru kontseilari ohien –Toni Comin, Lluis Puig eta Meritxell Serret- abokatuekin harremanetan dagoela, auzipetuek ihes egiteko arriskurik antzeman ez duela eta, ondorioz, hirurak atxilotzeko agindurik ez ematea erabaki duela.
Ministerio Publikoak ohar bidez azaldu duenez, hiru politikari independentistak "Belgikako justiziarekin kolaboratzeko prest daudela esan digute haien abokatuek; horregatik eta ihes egiteko arriskurik ez dagoela ikusita, ez dugu Serret anderea eta Comin eta Puig jaunak bilatzeko agindurik eman".
Horrez gain, Bruselako Fiskaltzak "informazio osagarria" eskatu dio Espainiako Auzitegi Gorenari, kasua aztertzen jarraituko ahal izateko. Ez dute argitu zer den zehazki galdegin dutena.
Oraingoz, Serretek, Cominek eta Puigek ez dute Bruselako instrukzio epailearen aurrean deklaratu beharko.
Bruselako Fiskaltzak zehaztu du Espainiako Auzitegi Gorenak joan den ostiralean emandako atxiloketa aginduak dituztela aztergai, eta ez Auzitegi Nazionalak 2017ko azaroan eman zituenak.
Bestalde, ez dute argitu nahi izan prozedurak nola jarraituko duen aurrerantzean. Nobedade garrantzitsuren bat egongo balitz, horren berri emango luketela erantsi dute.
Euroaginduen erabakia 60 egunen buruan etor liteke
Aurreikusitakoaren arabera, Fiskaltzak instrukzio epaile bat izendatuko du, horrek 24 ordu ditu euroagindua Legearen araberakoa ote den, espetxe zigorra ezar litekeen edo baztertzekoa den zehazteko. Epaileak badaezpadako neurriak ezarri ahal ditu auzipetuek ihes egin ez dezaten.
Dena dela, kontseilari kargugabetuen defentsek helegitea aurkeztuko dutenez, auzia Instrukzio Aretoaren esku geratuko da. Kasu honetan, epaileak 15 egun ditu euroagindua aztertzeko. Aldeek errekurtsoak aurkez ditzakete, aurrena Apelazio Auzitegian, eta gerora, Kasazio Auzitegian.
Bi kasuetan, aretoek 24 orduko epea dute errekurtsoa tramitera onartzen duten erabakitzeko; eta 15 egunekoa, euroagindua onartzeko edo errefusatzeko.
Europako legediaren arabera, euroaginduak 10 eguneko epean gauzatu behar dira, baina horretarako kaltedunak berak euroagindua onartu behar du. Kontra azaltzekotan, 60 eguneko epea dago, eta muturreko kasuetan, beste 30 egun gehitu behar zaizkio prozesuari.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.