Puigdemont, aske: 'Europan preso politikoak izatea lotsagarria da'
Carles Puigdemont Generalitateko presidenta Alemaniako espetxetik atera da dagoeneko. Dozenaka komunikabide Neumunsterreko espetxearen ateetan zain zituen. Kartzelan egon den bitartean jaso duen "babes" eta "elkartasun" guztia eskertu du presidentak.
Espetxean jarraitzen duten adiskide guztien askatasuna eskatu du presidentak. Kataluniako agintariaren hitzetan, "Europan preso politikoak izatea lotsagarria da".
Haren esanetan, "ez da autodeterminazio eskubidearen aldeko auzia, ezta barne auzi bat ere; demokrazia bigun baten arriskuengatik arduratuta dauden herritar guztiei eragiten dien kontua da". Are gehiago, Europaren amaiera izan daitekeela iragarri du.
Puigdemonten arabera, "hitz egiteko garaia da" eta ez dago Espainiako agintariek Kataluniako erakundeekin ez negoziatzeko aitzakiarik. "Elkarrizketa eskatu dugu azken urteetan eta indarkeria eta errepresioa bakarrik jaso ditugu erantzun gisa. Politika egiteko garaia da", nabarmendu du.
Kartzela atarian JxCateko eta ERCko diputatuen ordezkaritza bat zain zuen.
Lehenxeago, Puigdemontek 75.000 euroko fidantza aurkeztu duela jakinarazi du Schleswig-Holsteingo Fiskaltza Nagusiak. Puigdemont aske geratzeko, fidantza ordaintzeko 75.000 euroko diru-transferentzia egin duela jakitera eman zuen bart Kataluniako Asanblada Nazionalak (ANC). "Alemaniako Justiziak Carles Puigdemont presidentari ezarri dion fidantza ordaindu berri dugu", ziurtatu zuen ANCk Twitter sare sozialean. "Gure elkartasun kutxak fidantzatan ia 4 milioi euro ordaindu ditu jadanik", erantsi zuen.
"Espainiako Estatua botereen banaketaz ohartu da", adierazi zuen ANCk, Alemaniako auzitegiak hartutako erabakiaren berri izan ondoren.
Halaber, Belgikan dauden kontseilari kargugabetuak, ostegunean deklaratu ondoren, fidantzarik gabe aske utzi izana ospatu du erakundeak sare sozial berdinean: "Askatasunaren indarra bidegabekeriari gailendu zaio. Zorionak, kontseilariak".
Puigdemontek agerraldia egingo du larunbat goizean Berlinen, Junts per Catalunyak aurreratu duenez.
Matxinada delituagatik Puigdemont Espainiaratzea baztertu du Schleswig-Holsteingo Lurralde-auzitegiak, eta 75.000 euroko bermepean aske uztea erabaki du, diru publikoak bidegabe erabiltzeagatik estraditatu ala ez aztertzen duen bitartean.
(Carles Puigdemont presidenta Neumunsterreko kartzelatik ateratzen. Argazkia: EFE)
Lurralde-auzitegiaren erabakiari helegitea edo alegazioak aurkezteko aukerarik ez du Schleswig-Holsteingo Fiskaltza Nagusiak.
Wiebke Hoffelner Fiskaltzako bozeramaileak azaldu duenez, Auzitegiaren ebazpenari helegitea aurkezteko aukera legalik ez dago.
Hoffelnerren hitzetan, matxinada delitua onartezintzat jo ondoren, ihes egiteko arriskua txikitu da; ondorioz, Puigdemont kartzelatik atera daiteke.
Puigdemontek ezin izango du Alemaniatik alde egin Fiskaltzaren baimenik gabe, astero Poliziaren aurrean agertu beharko da eta bizileku aldaketa guztien berri eman beharko du, Lurralde, auzitegiak baldintzapeko askatasuna erabakitzean zehaztu duenez.
Bestalde, Puigdemont "diru publikoak bidegabe erabiltzeagatik bakarrik epaitzea" eta kargugabetutako Governaren gainerako kideei epaiketa berean matxinada delitua leporatzea "txingotekeria" litzatekeela adierazi du Jose Antonio Martin Pallin Auzitegi Goreneko magistratu emerituak. Horregatik, "arrazionaltasun logiko, zentzu eta patxada pittin" bat beharrezkoa litzatekeela gaineratu du.
Schleswig-Holsteingo Lurralde-auzitegiaren erabakia hizpide izan du Martin Pallinek Radio Euskadin.
Alemanian gertatuko zena duela egun batzuk aurreratu zuela gogorarazi du Martin Pallinek. Magistratu emerituaren ahotan, bi fiskaltzak "harremanetan" zeudela pentsatzea gauza bat zen, eta "Alemaniako justizia auzitegiak independenteak ez zirenik" beste bat.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.