Altsasuko gazteei terrorismo akusazioa kentzea eskatu du Amnistia Internazionalak
Amnistia Internazionalak Altsasuko gazteei terrorismo delitua erretiratzea eskatu du. Datorren astelehenean hasiko da Auzitegi Nazionalean Altsasuko zortzi gazteren kontrako epaiketa, eta Amnistia Internazionala behatzaile gisa arituko da ahozko epaiketan.
"Espainiak terrorismo motak proportziorik gabe zabaldu ditu eta kasu hau da horren adibide, Zigor Zuzenbideak eta Nazio Batuek eskatzen dituzten zehaztasun eta argitasun baldintzetatik urrunduz", azpimarratu du Amnistia Internazionalak ohar batean. Gaineratu duenez, Altsasuko auziak zigor prozedura arrunta jarraitu behar zuen.
Amnistia Internazionalaren esanetan, jai batzuen testuinguruan, goizaldean, salatutako erasoak "larriak" dira eta salatzaileek "ikerketa judizial baterako eskubidea" dute. Hala ere, uste du Zigor Kodeak terrorismoaz egiten duen definizioa zalantzazkoa eta zehaztu gabea dela, bereziki 2015eko erreformaz geroztik.
Adibide gisara 573. artikuluari egiten dio aipamena Amnistia Internazionalak: "Larritasun ezberdineko delitu katalogo bat du barnean, bake publikoa aldatzea edo erakundeen funtzionamendua ezegonkortzea helburu dutenak, kasu".
Altsasuko auziari dagokionez Amnistia Internazionalak azpimarratu duenez, 50 urtetik gorako kartzela zigorra eskatzen dute auzipetu gehienentzat, 12 urteko zigorra beste bati ahozko mehatxua egiteagatik, eta auzipetuetako hiru gaztek 500 egun baino gehiago daramate behin-behineko espetxealdian epaiketaren zain, "horrek salbuespenezko neurria izan behar duenean".
Azkenik, Amnistia Internazionalak kezka agertu du agintari judizialek defentsek aurkeztutako hainbat froga garrantzitsu eta lekuko kontuan hartzea baztertu dutelako, beren erabakia behar bezala arrazoitu gabe.
Albiste gehiago politika
Peinado epaileak Begoña Gomez herri epaimahai batek epaitzea proposatu du, dirua bidegabe erabiltzea egotzita
Datorren larunbatean (18:00etan) epaitegira joateko dei egin dio, aurretiazko agerraldi baterako.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.