Buruzagi independentistei sedizioa leporatzeko aukera dagoela gogorarazi du Gorenak
'Proces' izeneko auzian, Fiskaltzak buruzagi independentistei sedizio delitu bat leporatzeko atea zabalik utzi zuela gogorarazi dio Auzitegi Gorenak Pablo Llarena epaileari. Bestalde, U-1ean polizia gehiagok esku hartu izan balute “sarraskia” gerta zitekeela defendatu du Gorenak autoan.
Jordi Sanchez JxCateko bigarrenaren badaezpadako espetxea baieztatu du Auzitegiak ebazpenean. Agintari independentistek sedizio delitu bat egin ahal izan zutela azaldu du Gorenaren zigor-arloko salak, kasu horretan indarkeria beharrezkoa ez delako. Gorenaren hitzetan, matxinadaren “gai korapilatsuenean sartzea ez da beharrezkoa”.
Bestalde, Kataluniako independentzia prozesuan indarkeriaren existentzia zalantzan jarri zuen Alemaniako auzitegiaren argudioei kontra egiten saiatu da Gorena. Kataluniako auzia Frankfurteko aireportuko matxinadekin alderatzea “zentzuzkoa ez” dela azpimarratu du Espainiako auzitegiak.
Horrela, Schleswig-Holsteingo epaitegiak erabakitakoa azaltzeko aprobetxatu eta bide batez gertakariak sedizio delitu batengatik epaitzeko atea zabalik utzi du Gorenak.
Europar Batasuneko (EB) Estatu baten barruan gertatzen ari den prozesu sezesionista Frankfurteko aireportua handitzeko proiektuaren aurka antolatutako matxinada batekin konparatzea “arrazoizkoa ez” dela erantzun dio aretoak Alemaniako epaitegiari.
Magistratuen ahotan, “El Prat de Llobregateko (Bartzelona) aireportuaren pistetako bat luzatu ala ez, hori ez zen eztabaida; horrek ez zuen milaka manifestariren protesta eragin”.
“Hemen benetan gertatzen ari zena hauxe da: Estatuko eta erkidegoko ordenamendu juridikoa urratzen bi urte baino gehiago eman ondoren, Auzitegi Konstituzionalaren funtsezko sententziak betetzeari uko egin eta gero, prozesu sezesionista aurrera eraman nahi zuten Europar Batasuneko Estatu baten barruan, demokrazia sendo batean”, adierazi dute.
Guztia “jendea kalean jarrita, Konstituzioaren aurkako erreferendum batean botoa emateko, Estatuaren indar legitimoaren aurka, ustezko hauteslekuak defendatzen ari zirenean”, erantsi dutenez.
“Azken bi urteetan Generalitateak eta Parlamentak bata bestearen atzetik egindako lege urraketek bi milioi pertsona kalera atera zituzten, 6.000 poliziak babestutako hauteslekuetan sartzeko asmoarekin”, nabarmendu dutenez. Estatua hausteko helburua zuen bozketa eragoztea “ezinezkoa” zela onartu dute magistratuek.
Horregatik, “zalantza barik” buruzagi independentistek “Konstituzioak jasotako sistema politiko eta juridikoaren printzipioak urratu dituzte”, gaineratu dutenez.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.