Konstituzionalak tramitera onartu du Puigdemonten hautagaitzaren kontrako helegitea
Auzitegi Konstituzionalak ostegun honetan tramitera onartu du, aho batez, Espainiako Gobernuak Carles Puigdemonten hautagaitzaren kontra aurkeztutako helegitea, aukera horri bidea itxiz. Gainera, Puigdemont presidente izendatzen saiatzeko inbestidura saio bat deitzeak ondorio penalak izango lituzkeela ohartarazi du.
Puigdemont presidente izendatzeko inbestidura saioa deitzea Konstituzionalaren erabakiaren kontrakoa litzateke, betiere, Parlamentuak egungo egoera aldatzen duen legeren bat onartzen ez badu. Kasu horretan, oso litekeena da lege berri horren kontrako errekurtsoa jartzea horren konstituzionaltasunari buruz ebatzi bitartean.
Estatuko Abokatutzak Puigdemonten hautagaitzaren kontrako errekurtsoa jarri zuen urtarrilaren 26an, hautagaitza indargabetzea eskatuz. Hala ere, Konstituzionalak ez zuen tramitera onartu Espainiako Gobernuaren helegitea (inbestidura saioa bertan behera uztea eragingo zukeen), eta kautelazko neurri batzuk hartu besterik ez zuen egin. Horien arabera, saioa bakarrik utziko dute bertan behera inbestidura telematikoa egiten saiatzen badira edo Puigdemont Pablo Llarena magistratuaren baimenik gabe bertaratuz gero. Horren aurrean, Kataluniako Parlamentuko presidenteak, Roger Torrentek, atzeratu egin zuen saioa.
Bi aldeak entzun ondoren Auzitegiak ebatzi duenez, Torrentek Puigdemont presidente izendatzeko inbestidura bertan behera utzi eta beste hautagai bat izendatuko balu ere, Mariano Rajoyren Gobernuak planteatutako errekurtsoak interes orokorreko gaiak planteatzen ditu eta, hori dela eta, ez du auzia amaitutzat eman. Auziaren mamiari buruz erabakitzen duen bitartean, baina, bertan behera utzi du Puigdemonten balizko inbestidura.
Aldeei 20 eguneko epea emateaz gain, Auzitegiak "balio gabe eta inolako eraginik gabe" utzi ditu ebazpen hori urratzen duten ekintza, ebazpen, akordio edo bestelako bide guztiak.
Halaber, Konstituzionalak ohartarazpena bidali die Roger Torrenti eta Mahaiko gainerako kideei (Josep Costa i Rosselló, José Maria Espejo-Saavedra Conesa, Eusegi Campdepadrós i Pucurull, David Pérez Ibáñez, Joan García González eta Alba Vergés i Bosch) eta "eteteko erabakiari kasurik ez egitea edo izkin egitea bilatzen duten ekimen guztiak saihestu edo geldiarazi" behar dituztela ohartarazi die.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.