Aurrekontuen aldeko botoa ez duela hitzemanda ziurtatu du EAJk
Joseba Egibar EAJko legebiltzarkideak Radio Euskadin gaur esan duenez, jeltzaleek ez dute Espainiako Aurrekontu Orokorrak onartzeko botoa "hitzeman edo bermatu", eta ukatu egin du "negoziaziorik" izan denik.
Asteazken honetan EAJk Mariano Rajoy Espainiako Gobernuko presidentearekin aurrekontuei buruz lortutako akordioaren inguruan hitz egin du buruzagi jeltzaleak Radio Euskadin. Horren arabera, KPIaren igoeraren erritmora egingo dute gora pentsioek, iraunkortasunaren faktorearen aplikazioa atzeratzeaz gain.
Aurrekontuei buruzko eztabaidaren hasieran, osoko zuzenketarik ez aurkezteko eta PPrekin ez negoziatzeko erabakia hartu zuen EAJk. "Negoziatu gabe" jarraitzen duen arren, "parentesia" ireki dela ohartarazi du. Etenaldi horretan, pentsioen gaia ezinbesteko baldintzatzat jo dute jeltzaleek, eztabaidan zuzenketei abstentzioa ez emateko.
"PPk baldintza hori aitortu eta onartu ostean, EAJk aurrekontuen eztabaidari bidea ematea erabaki du, eta kontuen itzulpena ez bozkatzea", azaldu du Egibarrek.
Besteak beste, "pentsioak eguneratzeko erabakia burutzeko eta 155 artikulua bertan behera uzteko aukerak abiatu" direla esan du Egibarrek.
Hala, aurrekontuak eztabaidatzeko eta onartzeko bidea eman den arren, "EAJk ez duela helmugako botoa hitzemanda" esan du. "Aurrekontuak onartzeko EAJren botoa ez dago ez bermatuta ez hitzemanda", ohartarazi du.
"Kontaktu bat"
"EAJk baldintza jakinarazi zion PPri osoko zuzenketei buruzko eztabaidaren bozketaren bezperan. Hasieran onartu ez zuten arren, hurrengo goizean baietz erantzun zuten popularrek. Ordutik aurrera ez da inolako negoziaziorik egon", azpimarratu du, "negoziazioa orain hasiko dela" gaineratzeko.
"PPk baldintza ez onartzeagatik EAJ abstenitu egiten bada, aurrekontuek ez dute aurrera egingo. Beste bi aldeak kontuan izanik, 155 artikulua eta aurkezten ditugun zuzenketak, pentsioen igoerari buruzkoaz gain, orduan ipiniko da martxan negoziazio-prozesua", azpimarratu du.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
AEBk ostegunean berriro erreklamatu zuen NATOko herrialde guztiek, Espainiak barne, % 5 bidera dezaten defentsara, Pedro Sanchez Espainiako Gobernuko presidenteak NATOri jakinarazi ostean ez zuela defentsa gastua horraino igotzeko konpromisorik hartuko.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".