Puigdemontek JxCATeko parlamentariak bildu ditu Berlinen, inbestidura aztertzeko
Carles Puigdemont presidentea Junts per Catalunyako (JxCAT) diputatuekin bilduko da gaur (13:00 GMT) Berlinen. Kataluniako Parlamentuak Presidentetza Legearen erreforma onartu eta biharamunean egingo dute batzarra.
Puigdemont Parlamentuan egon gabe presidente izendatu ahal izateko erreformak JxCAT, ERC eta CUP taldeen aldeko botoak jaso zituen, tartean Puigdemontek, Antoni Cominek eta espetxean dauden diputatuek delegatutakoak ere. Ciudadanos, PSC, Catalunya en Comu-Podem eta PPC taldeek, ostera, kontra bozkatu zuten (64 boto).
Bestalde, Espainiako Gobernuak dagoeneko jakinarazi du Auzitegi Konstituzionalean Presidentzia Legearen aurkako helegitea aurkezteko izapideak abiarazi dituela jada. Hala jakinarazi zuen atzo Iñigo Mendez de Vigo Espainiako Gobernuaren bozeramaileak.
Nolanahi ere, eta lege hori onartuta egon arren, ez dago argi Junts per Catalunya berriro ere Carles Puigdemont presidente izendatzen ahaleginduko den ala ez. Izan ere, Auzitegi Konstituzionalak joan den astean tramitera onartu zuen Espainiako Gobernuak Carles Puigdemonten hautagaitzaren kontra aurkeztutako helegitea eta erabaki hori ez betetzeak ondorioak izango lituzke.
JxCATeko iturriek diotenez, ez dituzte Parlamentuko Mahaiko kideak Konstituzionalaren agindua ez betetzera behartu nahi. Hori dela eta, Puigdemonten hautagaitzari eutsi edota beste hautagai bat aurkeztu erabaki beharko dute.
Berlingo bilerak hautagaiaren izena argitu dezake. Hautagai alternatibo baten aldeko apustua eginez gero, Jordi Sanchez (JxCAT) eta Pere Aragones ERCko buruak Elsa Artadiren hautagaitza babestu dute aste honetan.
Hautagai 'sendoa' izanez gero, inbestidura datorren astean izan daiteke, ERCren ustez
Pere Aragones ERCko presidentearen ondokoak asteazkenean azpimarratu zuenez, JxCatek inbestidurarako hautagai "sendoa" aurkeztuz gero, —ziurrenera asteburu honetan— inbestidura saioa datorren astean izan daiteke.
Catalunya Ràdio irrati kateari egindako adierazpenetan ziurtatu zuenez, "gaur-gaurkoz ez dago izenik mahai gainean". Haren esanetan, ERCk eta JxCATek lorturiko akordioaren arabera, azken horri dagokio Generalitateko presidente izateko hautagaia proposatzea.
Aragonesen esanetan, ERCk bere esku dagoen guztia egingo du JxCATek hautagaia jakinarazten dion unetik bertatik Gobernu berria lehenbailehen osatzeko, eta hori datozen egunetan gertatzea espero du.
Junts per Catalunyak Elsa Artadi proposatuko balu, ERCk ez luke inolako arazorik izango hori onartzeko. "Izen bat mahai gainean dagoenean egon daitezkeen trabak aztertuko ditugu, baina ziur nago (JxCatek) proposamen sendoa egingo duela", gaineratu zuen Aragonesek.
Albiste gehiago politika
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.