Katalunian Gobernu egonkorra osatzeko itxaropena agertu dio Sanchezek Estebani
Aitor Esteban EAJk Diputatuen Kongresuan duen bozeramailea Jordi Sanchez Junts per Catalunyako (JxCat) diputatu eta Generalitateko presidente izateko hautagaia ikustera joan zen herenegun Soto del Realeko espetxera, eta preso dagoen buruzagiak Katalunian laster Gobernu "egonkorra" osatzeko itxaropena agertu zion ordezkari jeltzaleari.
Iturri jeltzaleen esanetan, bisita astearte goizean izan zen eta ordubete inguruko iraupena izan zuen. Buruzagi jeltzaleak "oso lasai, sendo eta indartsu" aurkitu zuen ANCko presidente ohia.
Gainera, ahalik eta azkarren Katalunian Gobernu "egonkorra" osatzeko konfiantza adierazi zion.
Estebanek, ostera, elkartasuna eta babesa agertu zizkien preso dauden buruzagi soberanista guztiei eta lehenbailehen aske gelditzeko nahia jakinarazi zion.
Kataluniako alderdiekin duten etengabeko hartu-emanaren baitan kokatu dute bilera hau jeltzaleek.
Bien bitartean, Rajoyren Gobernuak 2018ko Espainiako aurrekontu proiektua tramitatzen jarraitzen du eta popularrek bost diputatu jeltzaleen babesa lortu nahi du. Dena den, Katalunian 155. artikulua bertan behera utzi arte ez duela negoziaziorik abiatuko azpimarratu du EAJk.
EAJren zuzendaritzak gaur-biharretan erabakiko du Espainiako aurrekontu proiektuari osoko zuzenketa aurkeztuko dion ala ez; izan ere, bihar 14:00etan amaitzen da zuzenketak aurkezteko epea.
Zure interesekoa izan daiteke
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".