Sanchezek, Junquerasek eta Cuixartek 'epaiketa politikoaren' aurka protesta egin dute
Jordi Sanchez (JxCat) Generalitateko presidentegaiak, Oriol Junqueras presidenteorde kargugabetuak eta Jordi Cuixart Omniumeko presidenteak protesta egin dute Auzitegi Gorenean, euren aurkako “epaiketa politiko” baten aurrean daudela iritzita.
Hiru auzipetuek, guztiak badaezpadako espetxean, agerraldia egin dute Gorenaren aurrean, matxinada eta beste delituen prozesamenduaren berri izateko, 'proces' delakoaren sumarioaren barruan.
Hiru akusatuen hitzetan, bere ideia politikoen aurkako auzipetzea da. Pablo Llarena epailearen objektibotasun falta salatu dute. Era beran, protesta baketsua bezalako giza eskubideen urraketa salatu dute edo, Sanchezen kasuan, parte-hartze politikorako eskubidea.
Epailearen inpartzialtasuna zalantzan jarri du Sanchezek. Ostiralean bere inbestidura saioa bertan behera utzi zuten, Llarenak bigarrenez hautagai bezala aurkeztea eragotzi ondoren. Vox herri-akusazioak zehaztu duenez, Llarenari adi-adi begiratuz, epailearen objektibotasun faltagatik kexatu da Sanchez.
Bestalde, defentsako abokatuek kazetarien aurrean azaldu dutenez, auzipetze autoek protesta eskubidea kriminalizatzen dutela salatu dute hirurek, horregatik independentisten indarkeria ukatu eta protesta eskubidea defendatu dute.
Horrela, Kataluniaren independentzia aldarrikatzea delitua ez dela defendatu dute hiru buruzagiek. Bestalde, legezkotasuna, defentsa eskubide eta auzitegien eskumen araudiekiko errespetu eskasa salatu dute, abokatuen arabera.
Gertakariak ikertzerakoan “inpartziala” ez dela esan dio Sanchezek Llarenari, bere burua “biktima” bezala kokatzen duelako. Auzipetze autoan agertzen den aipu bati erreferentzia egin dio Sanchezek adierazpenean; izan ere, epaileak pluraleko lehen pertsona erabiltzen du: “pairatzen ari garen estrategia”.
Sanchezen ahotan, bere egoera “bidegabea” da, Gorenak auzia eramateko “eskumenik ez duelako” eta, gainera, abenduaren 21eko hauteskundeetako emaitzek epailearen argudioak “aldatu” dituenaren “sentsazioa” du. Ordu bat eta 15 minutu magistratuaren aurrean eman ditu Sanchezek.
Cuixarti eta berari indarkeria bultzatzea leporatu, eta aldi berean Katalunian jendeak beste lurralde batzuetako parametroekin funtzionatzen ez duela esatea nola den posible galdetu du Sanchezek. “Katalunia ez da Ipar Korea”, adierazi du epailearen aurrean.
Junquerasek Llarenari esan dionez, "erreferenduma deitzea ez da delitu".
Junqueras 40 minutuz mintzatu da, eta bere abokatuaren galderei bakarrik erantzun die. Berretsi duenez, erreferenduma deitzea ez da delitu, eta Katalunian jazotakoa "baketsua" izan zen. ERCko presidenteak ez die gainerako abokatuen, Fiskaltzaren eta Vox herri akusazioaren galderei erantzun.
Junqueras Estremerako kartzelan dago preso, azaroaren 2tik. Epaileari esan dionez, "ez dugu Aurrekontuaren euro bakar bat ere prozesu subiranistan gastatu".
ERCko buruzagiaren hitzetan, "giza duintasunean, bakean eta elkarbizitzan sinisten dut".
Kataluniako prozesu subiranistaren harira auzipetutako gainerako 23 pertsonak epailearen aurrera agertu beharko dira datozen egunetan, Llarenak auzipetze autoa jakinarazi diezaien.
Horrela, astearte honetan Joaquin Forn (Barne), Raul Romeva (Atzerri) eta Josep Rull (Lurralde) kontseilarien txanda izango da.
Zure interesekoa izan daiteke
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.