Urkullu: 'Ezertarako balio izan ez duela pentsatzeak izu-ikara ematen dio ETAri'
Iñigo Urkullu lehendakariaren hitzetan, “bereak ezertarako balio izan ez duela eta amaiera porrot bezala ulertzeak izu-ikara ematen dio ETAri”. Desegitea euskal gizarteari eta gizateriari zor ziela uste du agintariak.
Erakundeak gizartean izan duen paper odoltsuaren inguruan irmo azaldu da buruzagia El Pais egunkarian. “ETAk ez zuen sekula existitu behar izan”, adierazi du.
“Zantzu guztien arabera”, ETAren iragarpenak benetako desagerpena suposatuko duela uste du lehendakariak. Urkulluren ahotan, “bukaera horretarako baldintzak azaldu genizkien nazioarteko eragileei bere garaian: aldebakarrekoa, eraginkorra eta behin betikoa izatea. Agiria horrelakoa izango dela uste dut”.
Iragarpena “gertakari oso garrantzitsua da”, erantsi duenez. ETAk biktimen artean bereizketa eginez eskatu zuen barkamenari buruz, erakundeak “kontakizun bat eraiki” nahi duela kritikatu du lehendakariak. “Bereizketarik egin gabe, egindako kalte bidegabea izan dela onartzeko garaiz dago oraindik”, gaineratu du.
Ezker abertzaleak izandako jarreraren inguruan, “indarkeria eragin edo justifikatu dutenek egindako kalte bidegabea onartu behar dute euskal gizartearen aurrean”, esan du.
Presoen etorkizunari dagokionez, datozen hilabeteetan Euskal Herritik gertu dauden espetxeetara hurbiltzeko lanean ari dela esan du lehendakariak. “Espainiako Gobernuarekin lanean ari gara”, azpimarratu du.
Mariano Rajoy Gobernu zentraleko presidenteak espetxe politikan aldaketaren bat egin dezakeela uste du lehendakariak. “Zertaz ari garen badakite”, zehaztu du.
“Rajoy sentibera da. Espetxe politika aldatzeko baldintza bezala ETAren desegitea jarri izan du beti Gobernuak”, errepikatu du Urkulluk.
Buruzagiaren esanetan, ETAren amaierak euskal gizartearen gehiengoaren hamarkadetako eskariari erantzungo dio. “Indarrean dagoen araudiaren barruan, espetxe politika beste era batera kudeatzea posible da”, nabarmendu du.
Albiste gehiago politika
Eusko Jaurlaritzak elkarrizketa esparruak errespetatzeko eskatu dio PPri, eta "Euskadiri bizkarra ematea" egotzi dio
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuak berretsi du Euskadik ez duela migratzaile adingabe gehiago hartuko, "erantzunkidea" izan delako "urte askotan".
Espetxera bidali dute Deport them Now talde neonaziko buruzagia, Torre Pachecon etorkinen "ehizaldia" deitzeagatik
Gorrotoa bultzatzea, legez kanpoko erakundeko kide izatea eta armak legez kanpo edukitzea leporatzen diote 29 urteko espainiarrari. Fidantzarik gabeko espetxealdi komunikatua ezarri diote.
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.