Katalunian 'prozesu konstituziogilea' bultzatuko duela iragarri du Quim Torrak
Bere txio polemikoengatik barkamena eskatu eta, president izendatzen baldin badute, “prozesu konstituziogile” bat martxan jarriko duela iragarri du gaur Quim Torra JxCateko presidentegaiak, “U-1eko agindua” izan zelako, Kataluniak bizi duen “krisi humanitarioari” aurre egiteko.
Roger Torrent Parlamenteko presidenteak lehen inbestidura saioa larunbat honetarako deitu ondoren, Kataluniako presidente gisa Generalitateko jauregian lan egingo duela adierazi du Torrak TV3en, baina Carles Puigdemont president kargugabetuaren bulegoa erabiliko ote duen ez du argitu.
Oraindik Govern berriaren izen batzuk “zehaztu” behar dituztela onartu du Torrak. Hala ere, hartuko dituen lehen neurrien artean, Konstituzioko 155. artikuluaren eragina aztertzeko egitasmo bat martxan jarri eta haren ondorioak ikertzeko zein “berrezarkuntza plan bat bultzatzeko mandatari” bat izendatuko duela esan du presidentegaiak.
Torraren hitzetan, Govern berriak “errepresioa salatzeko bozgorailu, eta prozesu konstituziogilean zein Errepublika eraikitzeko prozesuan aurrera egiten jarraitzeko” balio behar du.
“Parlamentak erabakitzen duena obeditzea” bakarrik aurreikusten duela azpimarratu du Torrak. Zentzu horretan, “U-1eko agindua” betetzea espero duela ziurtatu du, “Auzitegi Konstituzionalak bertan behera utzitako legeen edukia berreskuratuz” eta “prozesu konstituziogile” bati hasiera emanez, 155.a aplikatu baino lehen independentismoaren bide-orriaren puntu nagusietako bat baitzen.
Legealdiaren “salbuespenezko eta behin-behinekotasun izaera” goraipatzeko, “keinu sinboliko garrantzitsuak” izango direla aurreratu du Kataluniako presidentegaiak, hala nola Generalitateko jauregiaren fatxadan begizta hori bat esekitzea edo beste begizta hori bat Govern berriaren eserleku batzuetan jartzea, “preso eta erbesteratuei” elkartasuna adierazteko.
Torraren ahotan, Kataluniak bizi duen egoera “krisi humanitario” bat da, “jendea kartzelan eta erbestean dagoelako”, “Europan beste inon gertatzen ez den bezala”.
Bestalde, Mariano Rajoy Espainiako Gobernuko presidenteak ohartarazi duenez, 155.a Konstituzioaren artikulu bat baino gehiago da jadanik; izan ere, Katalunian aplikatu denetik “aurrekari” bihurtu da, legea berriz urratzen baldin badute etorkizunean berriro aplikatzeko. “Katalunia salbuespen egoeratik ateratzeko”, legezko president batek gobernu bat osatzea eskatu du Rajoyk.
Rajoyk ez du Torra aipatu, baina 155.a gaur “beharrezkoa balitz etorkizunerako prozedura” bat dela argi utzi du, nahiz eta hori nahi ez izan.
“Parlamentak legezko president bat aukeratzea beharrezkoa da, bere tokian jarri eta normaltasunez gobernatzeko. Zentzutasuna, sen ona eta legezkotasuna inposatzea beharrezkoa da”, nabarmendu du Rajoyk bere hitzaldian, Diario de Cadiz egunkariaren 150. urteurrenean.
Albiste gehiago politika
PPk "autogobernuaren inguruko hausnarketa" egitea eskatu du, ongizatea dakarren arren, "ondo kudeatu behar delako"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, bere ustez, "arazoak ditugulako eskumenak ditugun eremuetan". PPko Legebiltzarreko bozeramailearen ustez, egoera hori "oso argia" da etxebizitzaren auzian. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek merkatua tenkatu dute, eta hori bien artean egin dute", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".