'Ez dezagun erabakitzeko eskubidea autogobernua hobetzeko aukera zapuzteko erabili'
Iñigo Urkullu lehendakariak erabakitzeko eskubidea "autogobernua hobetzeko dugun aukera zapuzteko" ez erabiltzea eskatu du gaur Eusko Legebiltzarreko Kontrolerako saioan.
Gai horren inguruan galdera bana egin diote Maddalen Iriartek (EH Bildu) eta Alfonso Alonsok (PP).
Lehendakariaren hitzetan, erabakitzeko eskubideak ez du "berez zentzu makurrik", eta beste erabilerarik ez emateko eskatu du. Horren ildoan, galdera bota dio Iriarteri: "Uste duzu lagungarria, mesedegarria izan dela ETAk bere azken agirian erabakitzeko eskubideaz hitz egitea?".
"Nire helburua da kontzeptu hori euskal autogobernuaren hobetzearen eta areagotzearen alde erabiltzea, behar dugun adostasunaren alde, eta ez erabiltzea aurrera egiteko dugun aukera zapuzteko", esan du Autogobernuaren Lantaldearen harira.
Urkulluk uste du Lantalde horretan "ahalik eta akordio zabalena" bilatu behar dela, "nazio identitate ezberdinak aintzat hartuta eta proposamen bideragarri eta legezkoa lortzeko". Gero, euskal gizarteak erreferendumean berretsi beharko lukeela azaldu du.
Defendatzen duen eredua Estatuarekin "adostua eta legezkoa" den erreforma bat egitea dela argitu du. Horretarako, baina, "euskal gizarteak eskatutako lege doikuntzak" egiteko deia egin dio Estatuari: "aldebakartasuna bazter utzi behar du", erantsi du.
Lehendakariaren aburuz, "gure betebeharra indarrak batzea da, legea errespetatzeak ezin ditu euskal gizarteak libreki eta demokratikoki erabakitzeko duen eskubidea urratu".
EH Bilduren eta PPren erantzuna
Maddalen Iriarte EH Bilduk Legebiltzarrean duen bozeramaileak uste du Urkulluk EAJren hauteskunde programari "osoko zuzenketa" egin diola: "Badirudi erabakitzeko eskubidearen karikatura bat-edo ekarri nahi diguzula".
Alfonso Alonso ere oso kritiko azaldu da, eta gogorarazi du Urkulluren Gobernuak "egonkortasuna" duela, hein batean Alderdi Popularrari esker (aurrekontuak onartzeko euren botoak eduki zituen Jaurlaritzak). "Autodeterminazio eskubidea proposatzea hodei beltza da", Alonsoren ustez.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.