Torra gaur inbestituko dute, CUPeko abstentzioarekin
CUPen Batzorde Politikoak bilera berezia egin du igandean Cerveran (Lleida), Quim Torra JxCatek Kataluniako Generalitateko presidente izateko aurkeztu duen hautagaiari argi berdea eman edo ez erabakitzeko, eta baiezkoak irabazi du.
Lehen inbestidura saiakera egin zuten larunbatean, baina ez zen aurrera atera Torrak gehiengo absolutua behar zuelako presidente izateko, eta CUPeko lau diputatuak abstenitu egin zirenez, ez zuen gehiengo hori lortu (66 boto alde eta 65 boto kontra izan zituen).
Asteleheneko bigarren saiakeran berriz ere abstenitzea behar zuen Quim Torrak presidente izendatua izateko, bigarren bozketan nahikoa baita gehiengo soila. Eta horixe erabaki du igandean CUPek, berriz ere abstenitzea.
Zalantzak izan dira zer erabakiko ote zuen CUPek, kide batzuek Torrak "profil autonomista" duela uste baitzuten eta ezezkoa bozkatu nahi zuten, baina larunbatean Quim Torrak gogor ukatu zuen hori inbestidura hitzaldian. Hain zuzen ere, "su piztailea" eta "fundamentalista" deitu zioten alderdi espainolistek Torrai bere hitzaldia entzun ostean.
'Ez da Gobernuari babesa ematea'
Lluc Salellas CUPeko eledunak zehaztu duenez, abstentzioak ez du esan nahi eratuko den Gobernu berria babesten dutenik. "Egungo egoera politikoa" kontuan hartuta hartu dutela Torraren inbestidura "ez blokeatzeko" erabakia esan du. "155. artikulua, preso politikoak edota politikariak erbestean. Egoera politikoak eraman gaitu inbestidura ez blokeatzera", gaineratu du.
Maria Sirvent CUPeko diputatuak, bestalde, argi utzi du erabaki honen helburua Parlamentean "oposizio aktiboan" jarraitzea dela. "Gure abstentzioak Torraren inbestidura ahalbidetuko duen arren, ez diogu Gobernuari babesa ematen, ez da horrela ulertu behar", zehaztu du.
Albiste gehiago politika
Peinado epaileak Begoña Gomez herri epaimahai batek epaitzea proposatu du, dirua bidegabe erabiltzea egotzita
Datorren larunbatean (18:00etan) epaitegira joateko dei egin dio, aurretiazko agerraldi baterako.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.