Torrak 'eskubide guztien errepublika' defendatu eta autokritika eskatu du
Quim Torrak, JxCat koalizioaren hautagaiak, Kataluniako "nazio osoa" defendatu du bere bigarren inbestidura saioan. Nazio hori "eskubide guztien errepublikan" garatzea eskatu du, eta "askea, justua eta oparoa" izatea eta "osatzen duten herritar guztien ongizatea bermatzea".
Kataluniako hiru hizkuntza koofizialak erabili ditu Torrak (katalana, aranera eta gaztelania) "guztiek eskubide guztiak dituzten errepublika" aldarrikatzeko.
Talde guztiei "autokritika" egitea eskatu die. Independentistei, alde batetik, "gauza batzuk ez ditugulako ondo egin", eta baita 155. artikulua babestu zuten taldeei ere, eskatu duenez, presoen behin behineko presoaldia "arbuiatzea ezinbestekoa" da eta "ideien kriminalizazioa", eta "elkarrizketaren aldeko" apustua berretsi du.
Esan duenez, autokritika ariketa horretan "lehenengoa" izatera prest dago.
Horrela, 2012 eta 2013an idatzi zituen txio polemikoak kriminalizatu ditu —"espainiarrak" mespretxuz aipatu zituen—, eta "testuingurutik kanpo" daudela, barkamena eskatu du berriz, eta nabarmendu du bere asmoa ez zela samintzea, "inondik inora". "Damutzen naiz, ez da berriz gertatuko", gehitu du.
Hautagai independentistak Parlamentuaren subiranotasuna azpimarratu du "pertsona guztiei laguntzen dien lege justuak" egiteko, eta horregatik, Auzitegi Konstituzionalak eta Espainiako Gobernuaren "zapalgailuak" baliogabetutako 16 legeak berreskuratuko dituela iragarri du.
"Parlamentuaren gehiengoaren babesarekin zuzenduko dudan gobernuak PPko Gobernuak Konstituzionalera eraman dituen eta baliogabetuta geratu diren lege guztiak bultzatuko ditu berriro; guztira, hamasei. Batzuk aho batez onartu ziren, PPren sostenguarekin, eta horrek ere ez zuen saihestu Estatuko Gobernuaren zapalgailuak baliogabe uztea", esan du Torrak.
Presidenterako hautagaiak gogoratu duenez, pobrezia energetikoaren eta aldaketa klimatikoaren kontra borrokatzeko lege "justuak", edota gizon eta emakumeen arteko berdintasunaren ingurukoa, "interes orokorrekoak" ziren, eta "ez zuten herritar independentisten eta ez independentisten artean bereizten".
President ohiak eta presoen senideak, gonbidatuen tribunan
Artur Mas eta Jose Montilla presidente ohiak eta Quim Torraren familiarrak gonbidatuen zerrendan daude.
Nuria de Gisper, Ernest Benach eta Joan Rigol Parlamenteko presidente ohiak ere bertan izan dira, baita preso independentisten senideak ere.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.