Espainiak ETAko 40 presori buruzko informazioa eskatu die espetxe zuzendariei
Espainiako Gobernuak bigarren graduan edo larri gaixorik dauden ETAko 40 presori buruzko informazioa eskatu die preso dauden espetxeetako zuzendariei, El Pais egunkariak eta Vocento taldeko hedabideek gaur zabaldutako informazioaren arabera. Egunkari horien esanetan, Espainiako Barne Ministerioa preso horiek gerturatzea aztertzen ari da. Hala eta guztiz ere, Barne Ministerioak informazioa eskatu besterik ez zuela egin eta espetxe politikan ez dela inolako aldaketarik izango azpimarratu du ohar batean.
ETAren amaieraren berri izan aurretik, otsailean bidali zituen mezu horiek, eta bigarren graduan dauden 29 presori eta larri gaixorik dauden 11 presori buruzko datuak eskatu zituen. Gaur argitaratutako informazioaren arabera, preso horiek gizarteratzeko zer pauso emateko prest egon litezkeen galdetu zuten mezu horretan.
Datu basea eguneratzeko
Gaur argitaratutako informazioen ondotik, Espainiako Barne Ministerioak oharra bidali du. Bertan azaldu duenez, otsailaren 23an espetxe guztietako arduradunei igorritako mezu elektronikoaren helburu bakarra presoen datu basea eguneratzea zen.
Barne Ministerioak gaineratu duenez, martxoaren 8an beste mezu elektroniko bat bidali zien espetxe guztietako zuzendariei, galdera parlamentario baterako informazio eske.
Espainiako Gobernuaren hitzetan, horrelako eskariak ez dira ezohikoak, eta aspaldidanik egin ohi dira, presoen inguruko datuak gaurkotzeko zein Parlamentuko galderei erantzun ahal izateko.
Bestalde, Barne Ministerioak ukatu egin du informazio eskaera 40 preso horiek dauden espetxeetara bakarrik bidali zela, eta eskaera orokorra izan zela azaldu du.
Amaitzeko, ETAren hilketak ikertzen, kausak dituzten pertsonak atxilotzen, delituak epaitzen eta zigorrak betearazten jarraituko dutela zehaztu du. "Ez da inpunitaterik egongo eta terroristek ez dute orain ezer lortuko, hiltzeari utzi ziotenean ezer lortu ez zuten bezala", gaineratu du.
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.