Rull, Turull eta Comin kontseilariak berreskuratu ditu Quim Torrak
Quim Torra Generalitateko presidenteak bere Gobernua osatuko duten kontseilarien izenak jakitera eman ditu: Pere Aragones (presidenteordea eta Ekonomia kontseilaria), Elsa Artadi (bozeramailea eta Enpresa kontseilaria), Jordi Turull (Presidentzia), Josep Rull (Lurralde kontseilaria) –espetxean dago-, Toni Comin (Osasun kontseilaria) eta Lluis Puig (Kultura kontseilaria) –atzerrian dago-.
Horiekin batera, Ernest Maragall izendatu du Atzerri Gaietarako kontseilari, Miquel Buch Barne kontseilari, Josep Bargallo Hezkuntza kontseilari, Ester Capella Justizia kontseilari, Chakir El Homrani Lesfar Lan kontseilari, Jordi Puignero Politika Digitalerako eta Administrazio Publikorako kontseilari eta Teresa Jorda Nekazaritza kontseilari.
Gaur eguerdian sinatu du Torrak Gobernuaren egitura eta Consell Exectiuko kideen izendapena.
Gobernuko 14 kideetatik 11 gizonak dira eta 3 emakumeak (Elsa Artadi, Teresa Jorda eta Ester Capella).
Hau da Gobernu berria:
-Pere Aragones i Garcia: Presidenteordea eta Ekonomia eta Ogasun kontseilaria.
-Jordi Turull i Negre: Presidentziako kontseilaria.
-Elsa Artadi i Vila: Bozeramailea eta Enpresa eta Ezagutza kontseilaria.
-Ernest Maragall i Mira: Atzerri Gaietarako, Harreman instituzionaletarako eta Gardentasun kontseilaria.
-Miquel Buch i Moya: Barne kontseilaria.
-Josep Bargallo i Valls: Hezkuntza kontseilaria.
-Antoni Comin i Oliveres: Osasun kontseilaria.
-Josep Rull i Andreu: Lurralde eta Jasangarritasun kontseilaria.
-Lluis Puig i Gordi: Kultura kontseilaria.
-Ester Capella i Farre: Justizia kontseilaria.
-Chakir El Homrani Lesfar: Lan, Gizarte Gai eta Familia kontseilaria.
-Jordi Puignero i Ferrer: Politika Digital eta Administrazio Publiko kontseilaria.
-Teresa Jorda i Roura: Nekazaritza, Abeltzantza, Arrantza eta Elikadura kontseilaria.
Turull eta Rullen defentsak behin-behineko askatasuna eskatu du kontseilari gisa aritu daitezen
Jordi Turull eta Josep Rull kartzelan diren kontseilari izendatu berrien defentsak jakitera eman duenez, "ahal den azkarren" behin-behinean libre uzteko eskatu dute, kontseilari kargua hartu eta euren eginbeharrei "berehala" heltzeko.
Kontseilari berriek maiatzaren 23an hartuko dituzte karguak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.