Eduardo Zaplana atxilotu dute, zerga iruzurra eta dirua zuritzea leporatuta
Guardia Zibilak Eduardo Zaplana atxilotu du, Valentziako Generalitateko presidente ohi eta Jose Maria Aznarren garaian Espainiako Lan ministro izan zena, zerga iruzurra eta dirua zuritzea leporatuta, ikerketako iturriek jakinarazi dutenez.
Goizeko bederatziak aldera atxilotu dute Valentzian, bere etxetik ateratzen ari zela. Zaplanaz gain eta akusazio beraren pean, beste bost pertsona ere atzeman ditu Guardia Zibilak, kapitalak zuritzea, diru publikoa bidegabe erabiltzea eta prebarikazioa egotzita. Atxilotu horietako bat Vicente Cotino enpresaburua da, Espainiako Poliziako zuzendari ohi eta Valentziako Generalitateko presidenteorde izan zen Juan Cotinoren iloba.
Guardia Zibilaren UCO Unitate Zentral Operatiboa gidatzen ari den polizia operazioak zabalik jarraitzen du, eta atxiloketa gehiago izatea aurreikusten da.
Atzerrian zegoen diru beltza Espainiara sartzen ahalegintzea leporatzen diote Zaplanari, ikerketako iturriek Ser irrati kateari jakinarazi diotenez. Guardia Zibilaren arabera, itxuraz modu irregularrean esleitutako kontratuetatik lortutako diru beltz hori paradisu fiskaletan zegoen.
Valentziako 8. Instrukzio Epaitegiak agindu du polizia operazioa.
Zaplana 19:40 aldera Benidormeko (Alacant) etxera eraman dute guardia zibilek, eguneko bigarren miaketa egiteko, Valentzian beste etxebizitza bat miatu ondoren.
Valentziako etxebizitzatik atera duen Guardia Zibileko auto berean heldu da Zaplana Benidormera. Lehen miaketa 14:00ak aldera bukatu da. Dirudienez, Aldaian (Valentzia) enpresa bat miatu dute ordu berean.
Eduardo Zaplana Valentziako Generalitateko presidente izan zen 1995tik 2002ra bitartean, 2002tik 2004ra, ostera, Espainiako Lan eta Gizarte Gaietarako ministro izan zen Jose Maria Aznarren Gobernuan. Ministro izateari utzi zionean, 2004an, Alderdi Popularrak Diputatuen Kongresuan zuen bozeramaile izan zen. 2008an politika utzi eta enpresa jarduerara itzuli zen.
PPtik kanpo
Zaplana alderditik kaleratzea erabaki du PPk arratsaldean, baita Joaquin Barcelo Terra Miticako zuzendari ohia ere, operazio berdinean atxilotu baitute.
Alfonso Fernandez Mañueco eta Juan Carlos Vera PPren Eskubide eta Berme Batzorde Nazionaleko presidenteak eta idazkariak, hurrenez hurren, hartu dute erabakia, arratsaldean bildu ondoren.
"Erabaki zorrotza eta zaila da", onartu du Fernando Martinez-Maillo PPren koordinatzaile nagusiak. Edonola ere, adierazi duenez, prozesuari baldintzatutako erabakia da, baina bere ustean atxiloketa bera oso larria da.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.