Biktimek presoei buruzko erabakietan duten eragina kritikatu du Txema Matanzasek
Txema Matanzas abokatu eta preso ohiak kritikatu du biktimek “gaitasun handiegia” dutela euskal presoen egoerari buruzko erabakiak baldintzatzeko.
EH Bilduk eskatuta, Matanzasek Eusko Legebiltzarreko Memoria eta Bizikidetza lantaldean parte hartu du gaur. Bilera ateak itxita egin dute, baina barrura sartu aurretik kazetarien aurrean adierazpenak egin ditu.
Euskal presoei aplikatzen zaizkien “salbuespen neurriak” bertan behera uzteko eskatu du. “Presoak aske geratzeko exijitzen diren epeak atzeratzea gatazkari zentzuzko konponbidea ematearen aurka doa”.
Halaber, Matanzasek salatu du kartzelatik ateratzeko euskal presoei ezarritako baldintzak “erabat subjektiboak” direla, hala nola, “norberaren ideia politikoei uko egitea, iraganari buruzko autokritika egitea, biktimei barkamena eskatu behar izatea edota indarkeria gaitzestea”. “Honelako baldintzak Espainiako zuzenbidean soilik existitzen dira”, erantsi du.
“Zigor zuzenbidearen pribatizazioa ematen ari da; biktimek, hau da, delituaren ondorioak pairatzen dituzten pertsonek, gaitasun handiegia dute presoen gizarteratze prozesuari buruz erabakitzeko”, kritikatu du.
“Hau saihestu egin behar da, ez baikaitu inora eramango. Honek blokeo egoera batera eramango gaitu, hondarrak geratuko dira eta etorkizunean arazoak berpiztea ekarriko du”, ohartarazi du.
Horrez gain, gogora ekarri du Euskal Preso Politikoen Kolektiboak eztabaida prozesu bat egin zuela eta, besteak beste, espetxetik ateratzeko bide legalak ahalbidetzen dituen zirrikituak erabiltzeko erabakia hartu zuela.
(Jone Goirizelaia EH Bilduko parlamentaria eta Carmen Guisasola. Argazkia: EFE)
Carmen Guisasolak ahalegin gehiago eskatu du
Gaurko saioan Carmen Guisasola ETAko kide ohiak ere hartu du parte, EH Bilduk eskatuta. Guisasola 2014an utzi zuten libre, 24 urtez preso egon eta ‘Langraiz Bidea’ri heldu ostean.
ETA betirako desegin dela eta, "alde guztien ahalegin gehiago" eskatu du, "zauriak ixteko".
Batzarra hasi aurretik, Guisasolak onartu du presoen egoera “oso konplikatua” dela. “Zerbait aldatu nahi bada, bizikidetzaren alde esfortzu handiagoa egin behar dugu guztiok”.
“Lehendabizi, zauriak itxi behar dira eta horretarako hemen gertatu dena bortitza eta bidegabea izan dela eta inoiz gertatu behar ez zela aitortu behar da”, azpimarratu du.
Ildo horretan, ‘Yoyes’en hilketa izan du gogoan. ETAk tiroz hil zuen Maria Dolores Gonzalez Ordizian, semearekin kalean zegoela.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.