Urkullu ziur dago 155. artikulua altxatuko dela Katalunian
Iñigo Urkullu lehendakaria Katalunian egun indarrean dagoen 155. artikulua altxatuko dela sinetsita dago. Ostiral honetan azaldu duenez, EAJk 2018ko Estatuko Aurrekontuei emandako babesari esker Kataluniarentzako konponbide bat aurkitzeko gaitasuna bere horretan mantentzen da. Are gehiago, aurrekonturik gabe ate guztiak itxita zeudela azpimarratu du.
Eusko Legebiltzarreko kontrol saioan, Espainiako Aurrekontuak "Europako alderdi ustelenarekin" adostea aurpegiratu dio EH Bilduk EAJri.
Lehendakariak Maddalen Iriarte EH Bilduk Legebiltzarrean duen bozeramaileari erantzun dionez, akordio ezaren ondorioak "konfrontazioa, ezegonkortasuna eta segur aski hauteskundeak" izango ziren. Gaineratu duenez, Aurrekontuak ez babesteak 155. artikulua "mugarik gabe" luzatzea ere ekarriko zuen.
Hala eta guztiz ere Urkulluk nabarmendu duenez, jeltzaleen babesa "ez da txeke zuri bat izango" PPren Gobernuarentzat. "Alderantziz, Katalunian adostutako konponbidea izateko aukera bat zabaltzen du", gaineratu du. "Akordio honi esker elkarrizketaren bitartez Kataluniarentzako konponbide bat aurkitzeko gaitasuna mantentzen da", aldarrikatu du.
"Ba al zegoen beste alternatibarik mahai gainean?", galdetu dio Urkulluk EH Bilduri. Lehendakariaren esanetan, jeltzaleek Estatuko Aurrekontuei emandako babesa positiboa da Euskadirentzat eta herritarrentzat. Gaineratu duenez, positiboa da baita ere pentsiodunentzat, berdintasunarentzat, egonkortasunarentzat eta enplegu sorrerarentzat.
Maddalen Iriartek, ostera, PP alderdi "ustelari" arnasa ematea aurpegiratu dio EAJri. Salatu duenez, EAJk Mariano Rajoyren Gobernua salbatu du beste behin, Ciudadanos eta UPNrekin batera. Horrez gain, emandako hitza ez betetzea egotzi dio EAJri, hain zuzen ere, 155. artikulua Katalunian indarrean zegoen bitartean Estatuko Aurrekontuak ez zituela negoziatuko hitzeman zuelako. "Ez zarete zintzoak izan", esan du. Iriarteren iritziz, alternatiba akordioari ezetz esatea eta, horrenbestez, ustelkeriari eta askatasun eta eskubideen murrizketari ezetz esatea zen.
Albiste gehiago politika
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetza, Kanpo Ekintza eta Euskara kontseilari Ana Ollo buru izan da Ignacio Francisco Canedaren gorpuzkiak senitartekoei emateko ekitaldian. AEBetan jaiotako anarkista gazte hau, Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik preso zegoen bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".