EAJren babesari esker, Estatuko Aurrekontuak onartu dituzte Kongresuan
Katalunian 155. artikulua indarrean dagoen bitartean hala egingo ez zuela agindu zuen arren eta arratsaldeko lehen orduan iragarri bezala, EAJk Espainiako Gobernuaren Aurrekontuak babestu ditu Diputatuen Kongresuan 20:00ak aldera egin den bozketan.
Horrenbestez, 2018ko Estatuko Aurrekontu Orokorrak onartu dituzte Kongresuan. Aldeko botoa eman duten talde politikoak hauek izan dira: Alderdi Popularra, Ciudadanos, EAJ, UPN, Foro Asturias, Coalicion Canaria eta Nueva Canaria.
Kontra bozkatu dutenak, berriz, PSOE, Unidos Podemos, Esquerra Republicana, PDeCAT, Compromis eta EH Bildu izan dira.
Aurrekontuak zatika bozkatzen dira eta guztiak onartu dituzte. Bozketetan gehien errepikatu den emaitza, beraz, horixe izan da: 176 alde eta 171 kontra.
Aurrekontuak onartuta, Alderdi Popularreko parlamentariak zutik jarri dira Cristobal Montoro Ogasun ministroa txalotzeko. Montorok Mariano Rajoy agurtu du eta Soraya Saenz de Santamaria presidenteordeari besarkada eman dio. Ondoren, PPko diputatuek eta ministroek argazkia atera dute elkarrekin.
Kongresuko saioa amaituta, Rajoyk agerraldia egin du eta Aurrekontuak babestu dituzte zazpi talde parlamentarioei eskerrak eman dizkie, "eraikitzearen aldeko apustua egiteagatik".
Egitasmoa aurrera ateratzea zaila izan dela onartu du, baina "Espainiarentzat Aurrekontu onak" direla azpimarratu du. Espainiako Gobernuaren helburu nagusiak lanpostuak sortzea eta susperraldi ekonomikoa direla esan du.
Aurrerantzean, Estatuko Aurrekontuen tramitazioak Senatuan egingo du aurrera. Epeak betez gero, Aurrekontuak ekainaren 29an onartuko dituzte behin betiko.
EAJren jarrera aldaketa
Kataluniako egoera politikoa dela eta, hasieratik Estatuko Aurrekontuak negoziatzearen eta babestearen kontra agertu izan bada ere, azken orduan EAJk Espainiako Gobernuaren egitasmoaren alde bozkatzea erabaki du.
Katalunian Espainiako Konstituzioaren 155. artikulua indarrean egonda, Mariano Rajoyren Aurrekontuak babesteko erabakia hartzea "zaila" izan dela aitortu du Aitor Esteban EAJko diputatuak.
Alabaina, "arduraz" jokatzeagatik hala egin dutela erantsi du eta ziur agertu da erabaki honen ondotik "laster" amaituko dela Estatuaren esku-hartzea Katalunian.
BIDEOA | Aitor Esteban: "Ez da erabaki erraza izan"
BIDEOA | EH Bilduk uste du EAJ ez dela fidatzekoa
BIDEOA | EAJren erabakiak hainbat erreakzio eragin ditu Kongresuan
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.