Zentsura-mozioa Moncloara heltzeko baliatu nahi duela egotzi dio Rajoyk Sanchezi
Zentsura-mozioa Moncloara heltzeko "lasterbide" gisa baliatu nahi izatea aurpegiratu dio Mariano Rajoy Espainiako Gobernuko presidenteak Pedro Sanchez PSOEko buruzagiari, Espainiako Diputatuen Kongresuan gaur egiten ari diren kontrol saioan. Rajoyren esanetan, Sanchezek badaki hauteskundeen bitartez "ezinezkoa" zaiola Gobernura heltzea.
PPko diputatuek zutik jarrita eta txalo zaparrada batekin egin diote ongietorria Mariano Rajoyri Diputatuen Kongresuan. Margarita Robles PSOEk Kongresuan duen bozeramaileari erantzunez adierazi duenez, ez berak ez bere alderdiak ez dute Gurtel auziko epaitik eratorritako erantzukizunik.
"Zuek ni baino hobeto dakizue hauteskundeetara joanda ezinezkoa dela bera Gobernuko presidente izatea, eta, horregatik, hautetsontzietatik ihes egin eta zentsura-mozioa aurkeztu du", esan du.
Rajoyren aurkako zentsura-mozioaren bezperan Espainiako Gobernuko presidenteak adierazi duenez, Gurtel auziko epaiak ez du zigortu ez Gobernuko kiderik, ez gaur egun PPko militante denik, ezta PP alderdia ere.
Bozeramaile sozialistak, ostera, Gurtel auziaren epaia aurpegiratu dio Mariano Rajoyri. Are gehiago, sinesgarritasuna galdu duela esan dio, horren esanetan, epaimahaiaren aurrean gezurra esan zuelako bere alderdiko ustelkeria estaltzeko. "Justizia epaitegien aurrean sinesgarritasunik ez duen presidente batek ez du sinesgarritasunik herrialde honek behar duen egonkortasuna bultzatzeko", gaineratu du.
Agintaldia agortzeko asmoa duela berretsi du Rajoyk
Kongresuko kontrol saioan Gabriel Rufian ERCko bozeramaile ondokoaren galdera bati erantzunez Mariano Rajoyk gaur berretsi duenez, legealdia agortzeko asmoa du. Rufianek dimititzeko eskatu dio Rajoyri, eta, horren aurrean, lau urteko legegintzaldia amaitzeko asmoa duela azpimarratu du Rajoyk.
Presidente karguari eusteko hainbat arrazoi eman ditu Rajoyk: aurreko hauteskunde orokorretan bigarren alderdiak baino 50 eserleku gehiago eskuratu zituela, Kongresuaren konfiantza lortu zuela eta Kongresuak aurreko astean 2018ko Estatuko Aurrekontuak onartu zituela.
Zentsura-mozioari dagokionez, berriz, Sanchez denei xantaia egin nahi diela uste du Rajoyk: "PSOEk 'Frankestein' Gobernuko kideei esaten die zentsura-mozioa babesten ez badute Ciudadanosekin akordioa lortu eta hauteskundeak aurreratu beharko dituela, eta Ciudadanosi esaten dio hauteskundeak aurreratzeko eskatzen jarraitzen badu 'Frankestein' Gobernuarekin joango dela". "Ea xantaia nork onartzen duen", aldarrikatu du.
Gabriel Rufianen ustez, ostera, herritarrek azken hauteskundeetan PPri botoa eman ziotenean "ez zekiten lapurtzen zuenik", eta Rajoyk dimisioa eman behar duela berretsi du. "Lapurretak eta kartzelariak Moncloatik botatzea ez da aukera bat, obligazio bat baizik", erantsi du.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.