Marce Elorza Zierbenako alkate ohia (EAJ) absolbitu dute
Marce Elorza Zierbenako alkate ohia eta Eugenio Barquin zinegotzia, biak jeltzaleak, absolbitu ditu Bizkaiko Lurralde-auzitegiak, kontratua berritu barik Barquinek Zierbena Portua elkarteko kontseilari delegatua izaten jarraitzen duelako. Diru publikoak bidegabe erabiltzea egotzi zieten.
Barquinek 2005ean hartu zuen Zierbena Portua elkarteko kontseilari delegatu kargua. Urtean 35.672 euroko soldata zuen. 2007ko uztailean lau urteko kontratu berri bat sinatu zuen, 51.812 euroko soldataren truke.
2011ko maiatzeko hauteskundeetatik 2012ko irailera arte karguan jarraitu zuen. 64.464 euro kobratu zituen denbora tarte horretan, kontratu berririk sinatu gabe. Elkarteko administrazio kontseiluaren bost kideetatik hiru aurka azaldu ziren, baita Udaleko zinegotziak ere. Udala Zierbena Portua elkarteko bazkide bakarra da.
Hala ere, diru publikoak bidegabe erabili ez zituztela uste dute Bizkaiko Lurralde-auzitegiko magistratuek. “Ez dute diru publikorik baliatu, ez bueltatzeko asmorik gabe, ezta funts publikoak desbideratzeko ere”, azaldu dute magistratuek sententzian.
Magistratuen hitzetan, Barquinek “zerbitzu profesionalak eskaintzen jarraitzea oso esanguratsua da”. Zentzu horretan, Udalak eta Zierbena Portuko akziodunen batzarrak kargutik kendu ez zutela gogorarazi dute.
“Inolako lanik egin edo funtziorik bete gabe kontseilari ala buruzagiaren soldata jaso izan balu erabakia bestelakoa izango lirateke, baina akusazioek ez dute inguruabar hori planteatu ere egin”, zehaztu du epaiak.
Bestalde, akusazio partikularrak delitu sozietarioa leporatu zien, baina epaimahaiak atzera bota du, Zierbena Portua elkarteko bazkideei informaziorik ukatu ez zitzaielako, ezta akziodunei zein bazkideei “eskubiderik” ukatu ere.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.