Urkulluk elkarrizketa abiatzea eskatu dio Sanchezi, autogobernuan sakontzeko
Iñigo Urkullu lehendakariak elkarrizketa bideratzea eskatu dio Pedro Sanchez Gobernu espainiarren presidenteari, euskal autogobernuan eta Euskadi eta Espainiaren arteko harreman berrian sakontzeko, "aldebikotasunetik eta elkarrenganako aitorpenetik abiatuta".
"Elkarrizketa hastea espero dut, entzuteko eta entzun gaitzaten", esan du Urkulluk Eusko Legebiltzarrean egin duten kontrolerako saioan, Gobernu espainiarraren gainean Elkarrekin Podemosek egindako galderari eta EH Bilduk egindako interpelazioari erantzunda.
Lehendakariak azaldu duenez, atzo bertan jarri zen harremanetan Pedro Sanchez Espainiako presidentearekin, zoriondu eta bi exekutiboek jorratzeko dituzten gaiak bideratzeko beharra helarazteko, besteak beste, Estatutuan eman gabe dauden eskumenak betetzea.
Gainera, Urkulluk positibotzat jo ditu Espainiako Gobernuan izan diren aldaketak, bere ustean, aukera bat izango delako arazo politikoak elkarrizketaren bidez konpontzeko. Era berean, ziur agertu da Sanchezek Estutua bere osotasunean betetzea, autogobernuaren eguneratzea eta Euskadiko elkarbizitza normalizatua zer den hobeto ulertuko dituela.
"Epe berri bat zabaldu da eta Eusko Jaurlaritzan elkarrizketarako eta akordiorako prestutasunarekin aurre egingo diogu", esan du.
Horretarako -esan dio EH Bilduri- lehenik eta behin akordioa izan behar da Legebiltzarrean Autogobernuaren ponentziaren inguruan, ez baitagokio soilik Jaurlaritzari, talde guztiei baizik.
Azpimarratu duenaren arabera, helburu nagusia da euskal herritarren erabakiak "errespeta ditzatela". Horren ildotik, prozedura legala adostea proposatu du, erabakiak bete egingo direla bermatzeko.
"Gure betebeharra gehitzea da, aurrera egiteko. Beharrezkoa da itunak, hitzarmenak, printzipio demokratikoa printzipio legala ez gauzatzeko erabiltzea saihestea", esan du.
Sanchezek telefonoz deitu dio
Pedro Sanchez Gobernu zentraleko presidenteak adeitasunezko telefono deia egin dio lehendakariari ostiral honetan bertan, arratsaldean.
Elkarrizketa laburrean ez dute Urkulluk bidalitako gutuna hizpide izan. Deia 19:00etan egin du Sanchezek. Nahiz eta elkarrizketa berri bat izateko datarik ez zehaztu, etorkizunean “lasaiago” hitz egitea adostu dute, Eusko Jaurlaritzako iturriek baieztatu dutenez.
Zure interesekoa izan daiteke
Aragoiko parte-hartzea ia % 11koa izan da 11:00etan
Jarduneko gobernu autonomikoak emandako lehen parte hartze datuaren arabera, 107 040 aragoiarrek bozkatu dute lehen bi orduotan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.