Konstituzioak presoak gizarteratzea aurreikusten duela gogorarazi du Grande-Marlaskak
Iraganean epaile bezala egindako lana eta ETAko terrorismoaren aurka zuzendutako ikerketak gogorarazi ditu Fernando Grande-Marlaska Espainiako Gobernuko Barne ministroak, terrorismoaren biktimak eta Konstituzioaren legezkotasun printzipioa baztertuko ez dituela agindu aurretik. Hala ere, Konstituzioak presoak gizarteratzea jasotzen duela azpimarratu du, horixe baita zigorren helburua.
Pedro Sanchez Moncloara eraman zuen zentsura-mozioan abertzaleen babesa lortzeko, presoen etorkizunaren inguruan “trikimainarik” ez zela izan adierazi du Grande-Marlaskak.
PPren exekutiboekin ETAko kide gehiago Euskal Herrira hurbildu direla jakinarazi du Barne-ministroak. Horren harian, Jorge Fernandez Diaz ministro ohiaren adierazpen batzuk gogoratu ditu, espresuki aipatu gabe. Presoen sakabanaketarekin amaitzea “ETAren eskuetan” zegoela esan zuen Fernandez Diazek, desegitearekin, alegia.
“Ez dugu inolako alarmarik sortu behar, zuzenbide estatu bat da hau, eta legezkotasun printzipioa zorrotz aplikatuko da. Nik dakidanez, Gobernuko presidenteak ez du inolako trikimainarik egin, zuzenbide estatuari eta terrorismoaren biktimei errespetua dielako”, azaldu du Grande-Marlaskak Senatuko kontrol saioan.
Hego Euskal Herrian ETAko kideei egiten zaizkien omenaldiekin kezkaturik agertu da Jose Cruz Perez Lapazaran PPko senataria, baita presoen aldarrikapenarekin ere, “trinkoa delako, desegin ez delako eta indarkeria gaitzetsi barik jarraitzen duelako”. “Zentsura-mozioari emandako babesaren truke abertzaleen aurrean amore emateko aukera” dela eta, kezkaturik dago PP, Lapazaranen arabera.
Estatuko Segurtasun Indarrek eta gizarteak ETA “formalki” desegitea lortu dutela esan du Grande-Marlaskak, hari erantzunez.
Errespetuagatik izenik eman ez badu ere, PPren gobernuekin presoen “lekualdaketa” gehiago egin dira, esan du. Horren arabera, “sakabanaketa politikarekin amaitzea ETAren eskuetan dago”, esan zuen Fernandez Diazek.
Tratamendu indibidualak eta gizarteratzeak espetxe sistema bereizten dutela esan du Barne ministroak TVEn egindako elkarrizketan. “Sakabanaketa oso positiboa eta beharrezkoa izan da, nazioarteko araudiak babestuta. Orain errealitatea bestelakoa da”, azaldu du Grande-Marlaskak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.