Urkulluk, Barkosek eta Roussetek 'Europa gehiagoren' alde egin dute, elkarrekin
EAEko, Nafarroako eta Akitania Berriko ordezkarik Iruñean bildu dira, 2014-2020 Plan Estrategikoa berritzeko, eta "Europa gehiagoren aldeko apustua berretsi dute". 8,7 biztanle bizi dira hiru lurraldeetan.
Euroeskualdearen batzarra Iñigo Urkulluk, Uxue Barkosek eta Alain Roussetek zuzendu dute. Interes komunei buruz hitz egin dute, hala nola, errefuxiatuak, enpresen lehiakortasuna eta azpiegiturak, batez ere abiadura handiko trena.
Nafarroak Euroeskualdearen presidentetza hartuko du 2020ra arte. Batzarraren ostean, lehendakariak esan du hiru bazkideak "oso aktiboak" direla, eta "etorkizunaren erronka erraldoiei erantzuna emateko" gai izango dira.
Urkulluk planaren lau zutabeetan emandako aurrerapenak nabarmendu ditut. Lehenengo tokian "gure kulturak eta gure hizkuntzak ezagutzea" aipatu du.
Esan duenez, berrikuntzan, enpresen lehiakortasunean, ezagutzaren ekonomian, espezializazio inteligentean eta lanean ere aurrerapen garrantzitsuak izan dira.
Garraioari dagokionez, hiru bazkideek bidaiarien eta merkantzien mugikortasun jasangarriaren alde egin dute, eta abiadura handiko trenbidea ezartzea eta korridore atlantikoari lotzea defendatu dute.
Planaren helburua "mundu aldakorrak dakartzan erronkei hobeto aurre egitea" da.
Nafarroarentzat den AHT baztertu du Barkosek
Nafarroako presidenteak, Uxue Barkosek, plan honek "etorkizunari aurre egiten laguntzen gaituela" esan du, "Europako testuinguruan gure burua hobeto kokatzeko". 14 linea eta 36 ekintza zehatzak aintzat hartzen ditu planak.
Elkarrekin egindako lan horretan, esan duenez, lehentasun batzuk daude: osasuna, energia, agroelikadura, sorkuntza industriak, 4.0 industria aurreratuak eta lehiakortasuna.
Barkosek "Nafarroan hasi eta bukatuko litzatekeen" AHT proiektu bat baztertu du, eta korridore kantauriar-mediterraneoarra defendatu du, Europarekin "euskal Y"-aren bidez lotuta.
Akitania Berriko presidente Alain Roussetek gogorarazi duenez, eskualde bakoitzeko egoerak desberdinak dira, baina interes komuneko gai batzuetan elkarrekin lan egiteko borondatea dute.
Zentzu horretan, "gaur egungo testuinguru geopolitikoan, mundu aldakor eta arriskutsuan", elkarrekin lan egitea proposatu du, "gure enpresek eta laborategiek elkarrekin lan egin ahal izateko, gaitasun berriak lor ditzaten".
Abiadura handiko trenari buruz, "hegoaldera begira" dagoela esan du, bi sareek Hendaian lotzeko helburuarekin.
Roussetek "kamioiak N10 errepidetik ateratzeko eta trenetan sartzeko" apostua egin du, eta aldaketa klimatikoaren aurka borrokatzea "gure seme-alabetan eta ilobetan pentsatuz".
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.