EH Bilduk 'historikotzat' jo du estatutu berriari buruz EAJrekin lortutako akordioa
EH Bilduren esanetan, "historikoa" da koalizio soberanistak eta EAJk Eusko Legebiltzarreko autogobernu lantaldean Araba, Bizkaia eta Gipuzkoarako estatutu politiko berri baterako lortu duten akordioa, "bi familia abertzale handien artekoa delako eta etorkizunean itun gehiago egiteko oinarriak finkatzen dituelako".
Arnaldo Otegi EH Bilduko koordinatzaile nagusiak eta Maddalen Iriarte Legebiltzarreko bozeramaileak agerraldian egin dute Barakaldoko BEC erakustazokan, soberanistek eta independentistek egindako akordioari buruzko xehetasunak emateko.
Otegiren hitzetan, estatus berrirako proposamena testu juridiko-politiko bat baino gehiago da: "Herritarren arazoei aurre egiteko erreminta soziala da eta horretarako herritarrei eskubide gehiago eta erabakiak hartzeko ahalmen handiago aitortzen die".
Bi taldeek adostutako proposamenak "eskubide nazionalak nahiz sozialak" biltzen dituela adierazi du eta "euskal autogobernuaren oinarrian eskubide sozial guztiak" izango direla erantsi du.
Otegik azpimarratu du itun honek etorkizunean akordio berriak egiteko aukera zabaldu duela, "betiere herritarren interesak alderdi politikoen interesen gainetik jarrita".
"Une historiko honek arduraz, seriotasunez eta egoerak eskatzen duen mailarekin jardutea eskatzen du, eta gu prest gaude aurrera egiteko akordioak bilatzeko eta herri gisa urratsak emateko", gaineratu du.
EH Bilduren eta EAJren arteko akordioa "historikoa" dela berretsita, Otegik gogora ekarri du "azken 40 urteotan herri honetako bi familia abertzale handiek" egiten duten lehen akordio handia dela.
Ildo horretan, Otegik nabarmendu du itunak Eusko Legebiltzarreko "gehiengo kualifikatuaren" babesa duela eta puntu batzuetan parlamentarien % 75aren babesa eskuratu duela.
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.