Rajoy, bere agurrean: 'Pausoa alde batera egin, baina ez dut ospa egingo'
Buruzagi bezala alde egiten duela, baina hori alderdia utziko duenik esan nahi ez duela ziurtatu du gaur Mariano Rajoy PPko presidenteak bere agurrean. “Pausoa alde batera egin, baina ez dut ospa egingo”, adierazi du. Bere adierazpenak “ongi” ulertzea espero duela erantsi du.
Azken hitzaldian “leiala” izango dela, noski, argi utzi nahi izan du Rajoyk. Zentzu horretan, “leial izatea zer den badakidala guztiek dakizue”, azpimarratu du. Jose Maria Aznarrek Rajoyren kudeaketari egindako kritikak aurpegiratu dizkio alderdiak presidente ohiari azken egunetan.
Alderditik joateko asmorik ez duela azaldu du Rajoyk, “bizitzaren erdia baino gehiago” bertan egin duelako. Horregatik, “fokuetatik urrun eta politikaren lehen lerrotik at” PPri ekarpena egiten jarraituko du.
Nabarmen hunkituta, PP 14 urtez zuzentzea “pribilegio” bat izan dela esan du Rajoyk, bere bizitzako urterik “onenak”, baina “horietako batzuk erosoagoak” izan zitezkeela onartu du. “Lasai noa, espainiarrek Gobernutik kendu ez gaituztelako, ezta alderdikideek ere”, nabarmendu du.
Gainera, Kataluniako gatazkan egindako kudeaketa defendatzeko aprobetxatu du Rajoyk bere azken hitzaldia. Nahiz eta “erraza” ez izan, “aurrekaririk gabeko” egoera bati aurre egin behar ziolako, orain “arduradunak auzitegien aurrean edo ihes eginda daude”, gogorarazi duenez.
Espresuki aipatu barik, Kataluniako gatazka kudeatzea “oso erraza” zela aditzera eman dutenak gogor kritikatu ditu buruzagiak. Rajoyren hitzetan, “Bazekiten zer egin behar zen, guk egin ondoren batez ere”, adierazi du.
Zure interesekoa izan daiteke
Aragoin parte-hartzea % 56,34koa izan da 18:00etarako
2023ko bozetan izandako datuarekin alderatuta, % 1,51 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.