Deklaratzera deitu dute Viceko gurutzeen aurka egin zuen gidaria
Viceko Udaltzaingoak (Barzelona) herriko plazan -oinezkoentzako gunean- jarrita zeuden preso politikoen aldeko gurutzeen aurka talka egin zuen gidaria identifikatu du, eta deklaratzera deitu dute.
Hala adierazi du Anna Erra Viceko alkateak Twitterren. Txioan, Udaltzaingoaren eta bizilagunen lana eskertu du, "informazioa eman eta babesa helaraztearren".
Erraren iritzian, "pertsonen segurtasunaren eta adierazpen askatasunaren aurkako gertaera gaitzesgarria" izan da.
Ekintzaile independentistek preso politikoak askatzeko plazan jarri zituzten gurutze horien aurka egin zuen gidariak larunbatean, plazan oinezkoak baino ezin dira sartu. Gertaera horren aurretik, gurutze horien aurkako beste hainbat ekintza ikusi dira independentziaren aurkako zenbait pertsonen partetik, hala nola, hondartzetan eta bestelako eremu publikoetan.
Autoa plazan sartu zen, bertan dozenaka pertsona zeudela, eta gurutzeen aurka egin zuen, plazatik abiadura handian alde egin aurretik.
Victor Martorell gidariaren abokatuak motibazio ideologikoa ukatu du, eta erasotzailea tratamendu psikologikoan dagoela ziurtatu du.
Martorell ofiziozko abokatua da auzian. Viceko Udaltzaingoaren polizia-etxean deklaratzera deitu dute goizean. Deklaratzeari uko egin dio. “Jota zegoen. Zer pasatu ote den azaltzen ez daki”, azaldu du abokatuak.
Gidariak inongo gorrotorik ez duela ziurtatu du abokatuak, eta mugimendu independentistarenganako ezinikusia “erabat” baztertu du.
Abokatuaren hitzetan, gidariak “ezin izan zion bultzada bati eutsi”. Zirkulazio-segurtasunaren aurkako delitu bat leporatu diote.
Martorellen esanetan, argiketa ixten denean epaitegiak deklaratzera deitu beharko du, eta orduan bai deklaratuko du. Era berean, txosten medikoak aurkeztuko dituztela iragarri du abokatuak.
Albiste gehiago politika
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetza, Kanpo Ekintza eta Euskara kontseilari Ana Ollo buru izan da Ignacio Francisco Canedaren gorpuzkiak senitartekoei emateko ekitaldian. AEBetan jaiotako anarkista gazte hau, Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik preso zegoen bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".