Sanchezek Torra ohartarazi du: 'Badaki zer ekarriko liokeen legea berriro urratzeak'

Quim Torrak erantzun du Kataluniako Gobernuak 'arazo politiko bati' irtenbide politiko bat ematea bilatzen duela, eta beti eztabaidaren eta 'Kataluniako herria obedientziaren' alde egingo duela.

Sanchezek Torrari: 'Badaki zer ekarriko liokeen legea berriro urratzeak'

Agentziak | Erredakzioa

2018/08/31 - 09:56

Azken eguneratzea

2018/08/31 - 10:50

"Badaki, ezin hobeto, zer ekarriko liokeen berriro aldebakartasunera eta men ez egitera bueltatzeak eta legea urratzeak", esan du ostegunean Espainiako Gobernuko presidenteak, Pedro Sanchezek, Quim Torra Kataluniako Generalitateko presidenteari buruz.

Bogota hiriburuan Ivan Duque Kolonbiako presidentearekin batera emandako prentsaurrekoan egin du Sanchezek ohartarazpena, Torrak autodeterminazio-erreferenduma egiteko ultimatuma egingo balu berak zer egingo lukeen galdetu diotenean.

Espainiako presidentearen iritziz, "gauza jakin batzuen gainean mintzatzen denean", Torrak ez dio hitz egiten "Kataluniako herritarren gehiengoari". Horren aburuz, "politika elkarbizitzaren zerbitzura egon behar da, eta Katalunian guztiek egin beharko lukete horretarako ekarpena; beraz, inork ez luke egin beharko gizarte-haustearen alde".

Mugak, "oso argiak"

Sanchezek nabarmendu duenez, bera buru duen Gobernuak "oso argi" du mugak zeintzuk diren; izan ere, Espainia zuzenbidezko estatu sozial eta demokratikoa da, eta legea errespetatzen da bertan. Hori bai, muga horiek hautsiz gero Konstituzioaren 155. artikulua berriro aplikatzeko aukera ez du aipatu ere egin.

"Legearen barruan, Espainiako Gobernua prest dago Kataluniako Gobernuarekin hitz egiteko. Azken horrek katalanen gehiengoaren ordezkaria izan behar du, eta gehiengo horrek azken urteotan elkarbizitzan jasan duten krisia eta haustura amaitzea nahi du", azaldu du.

Kataluniako kaleetan lazo horiek piztu duten tentsioari dagokionez, Espainiako Gobernuko presidenteak esan du segurtasuna guztien esku dagoela, eta administrazio publiko eta alderdi politiko guztiek bermatu beharko luketela segurtasun hori.

Torrak elkarrizketaren eta katalanei "obeditzearen" alde egin du

Quim Torra Generalitateko presidenteak Pedro Sanchez Espainiako Gobernuko presidenteari ostiral honetan erantzun dio Kataluniako Gobernuak "arazo politiko bati" irtenbide politikoa ematea bilatzen duela, eta beti eztabaidaren, "biolentzia ez erabiltzearen" eta "Kataluniako herriari obedientziaren" alde egingo duela.

Twitter bidez, Torrak hala erantzun dio Sanchezei: "Sanchez presidente maitea, arazo politiko bati irtenbide politikoa emango geniola ulertu nuen". Ostiral goiz honetan bisita instituzinoala egingo du Perpiñanen (Frantzia) eta urriaren 1eko erreferendumari buruzko erakusketa egingo du.

Querido presidente @sanchezcastejon , creía haber entendido que a un problema político íbamos a buscarle una solución política. Por nuestra parte, siempre nos encontrarás en la vía de la obediencia al pueblo de Catalunya, el diálogo, la convivencia y la no violencia. Un abrazo. https://t.co/cOfZwfjx4C
— Quim Torra i Pla (@QuimTorraiPla) 31 de agosto de 2018

"Gure aldetik, beti aurkituko gaituzu Kataluniako herriari obeditzeko , eztabaidaren, bizikidetzaren eta biolentzia ezaren bidean. Besarkada bat", gaineratu du Torrak txioan.

Albiste gehiago politika

Presentación de una iniciativa dará a conocer el asesinato de Mikel Zabalza con un autobús que recorrerá varias localidades.

REMITIDA / HANDOUT por RED DE PERSONAS TORTURADAS

Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma

23/9/2025

Autobus batek Nafarroa eta Gipuzkoa zeharkatuko ditu, Mikel Zabalzaren oroimenez

Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.

Carlos Cuerpo sobre el embargo de armas a Israel

Israeli arma enbargoa ezartzea onartu du Espainiako Gobernuak

Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.

Goiak Donostiako autobus geltokiko kafetegia lekuz aldatzea proposatu du, itxarongunea handitzeko

Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.

Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu

"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.

Jon Goikolea será el nuevo director de la academia de Arkaute

Jon Goikolea, Arkautiko akademiako zuzendari berria

Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.

"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute

Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".

Frantziako Errepublikako printzipioak urratzen dituela argudiatuz, Pirinio-Atlantikoetako prefekturak Bandera kentzea agindu zion Mauleko udaletxeari. Ostiralean Maulekoa izan zen pausoa ematen lehena.
Errepublikako printzipioak urratzen dituela argudiatuz, Pirinio-Atlantikoetako prefekturak bandera kentzea agindu zion.
Debeku horren gainetik, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.

Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik

Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.

Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean

Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.

Ipar Euskal Herriko hamar bat herrik Palestinako bandera eskegi dute, debekuaren gainetik

Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.

Arabako Aldundiak biozientzien sektorerako pizgarri fiskalak aztertuko ditu

Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.