Transferitzeke dauden eskuduntzak negoziatzen ari direla nabarmendu du Jaurlaritzak
Josu Erkoreka Eusko Jaurlaritzako bozeramaileak nabarmendu duenez, Gernikako Estatutuan jasota eta transferitzeke dauden eskuduntzak negoziatzen ari dira Jaurlaritza eta Espainiako Gobernua. "Urteak eman ditugu inolako kontakturik gabe, eta orain lanean ari gara", erantsi du. Aitortu du esku-aldatzea ez dela "erraza" izango, eta bide horretan, "lan egutegi bat" zehazteko eskatu dio Sanchezen Gobernuari.
Gobernu bileraren ondotik ohiko prentsaurrekoan egin ditu adierazpenok Erkorekak. Kazetariek Transferentzien Batzorde Mistoari buruz galdetu diote eledunari, baita Andoni Ortuzar EAJko presidenteak Sanchezi egindako ohartarazpenez ere.
Espainiako Gobernuak joan den astean bi proposamen zehatz helarazi zizkiela jakinarazi du Erkorekak.
Joan den astean Eusko Jaurlaritzak transferitzeko gelditzen diren bi gairen inguruko Estatuaren proposamena jaso zuen: bi trenbide-tarte Bizkaian eta Armiñon (Araba) eta Burgos arteko A-1aren euskal zatia.
Erkorekaren hitzetan, Eusko Jaurlaritzak proposamen hori ez zuela onartuko esan zion Estatuari, eta alderdi bietako talde teknikoak "ezberdintasunak" konpontzeko lanean ari direla esan du.
Bestalde, Estatu zentralari "eskakizun maila igo izana" normala dela esan du; dena den, bi administrazioek berriro harremanak berrabiatu dituztela azpimarratu du, hainbat urte transferentzien inguruan hitz egin egon gabe.
"Hala ere, orain proposamenak eta kontraeskaintzak egiteko, eta ituna lortzeko negoziazioan aurrera egiteko aukera daukagu", esan du Eusko Jaurlaritzako bozeramaileak. Hala ere, "Eusko Jaurlaritzak, Gobernu zentralak bezala, bere mugak dituela" azaldu du.
Ildo horretan, Andoni Ortuzarrek gaur PSOEri "pazientzia galtzeko zorian" daudela esandakoaren harira, Erkorekak "pazientzia, pazientzia dela, eta negoziazioa jarraitzen duen bitartean eskatzen jarraitu behar dugula" esan du.
Erkorekak "Estatutua onartu zenetik 468 hilabete igaro direla" gogoratu du; hortaz, "Espainiako Gobernuak jakin badaki eskumenen kontua ez dela egun batetik bestera adosten".
Azkenik, Erkoreak "prozesu erraza ez dela" esan du, zailtasun teknikoak baititu; ondorioz, eskumenen transferentziarako egutegia ahalik eta arinen egiteko konpromisoa eskatu dio Gobernu Zentralari.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.