EAEko polizien jokabideak aztertzeko batzordea sortzea aurreikusten du lege berriak
Euskal Autonomia Erkidegoko Poliziaren Legea aldatzeko proiektuari ekarpenak egitera gonbidatu ditu oposizioko alderdiak Estefania Beltran de Heredia Segurtasun sailburuak. Horrekin, Legebiltzarrean onartu orduko, testua "aberastea" lortu nahi du Jaurlaritzak.
Segurtasun Batzordean egin ditu adierazpen horiek Beltran de Herediak, non iragan ekainaren 26an Ertzaintzari eta Udaltzaingoari eragiten dion proiektua aurkeztu zuen. Orduantxe zehaztu zituen Beltran de Herediak testuaren oinarrizko puntuak.
Horrekin lotuta, gaur bertan azpimarratu du erreforma horrekin polizia eredua "indartu" nahi dutela, berdintasunezko neurriak sustatu eta Ertzaintzan zein Udaltzaingoan emakumezkoen presentzia handitu.
Gainera, Kontrol eta Gardentasun Batzordea sortzeko asmoa dute, ertzainen edota udaltzaingoen jokabideagatik jasotako kexak aztertzeko eta herritarren "konfiantza" sendotzeko.
Halaber, norbanakoei zauri larriak eragin dizkieten "jarrera" polizialak ikertuko ditu Batzordeak, baita hildakoak eragin dituzten Ertzaintzaren edo Udaltzaingoaren ekintzak ere.
Konfiantza eza
Ildo horretan, Beltran de Heredia atsekabetuta agertu da zenbait alderdik erakutsitako "konfiantza ezagatik". Nolanahi dela, alderdi horien ekarpenak eta proposamenak entzuteko prest dagoela gaineratu du Jaurlaritzak.
Eredu arazoa
Julen Arzuaga EH Bilduko parlamentariaren iritziz, Jaurlaritzak "polizia ereduari" aurre egiteko aukera galdu du. Esandakoa arrazoitzeko, Ertzaintzak botatako gomazko pilota batek kolpatuta hil zen Iñigo Cabacas gaztearen heriotza jarri du adibidetzat.
Edukiak
Esan bezala, besteak beste, agenteen artean emakume gehiago egotea bilatzen du oraindik onartu gabe dagoen proiektuak.
Falta larriak
Zigor arloan ere aldaketak dakartza proiektu horrek . Hala, sexu erasoekin, lan jazarpenekin eta polizien bideokameren erabilerarekin lotutako kasu batzuk falta larritzat jo nahi dituzte.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.