900 euroko gutxieneko soldata eta laguntza gehiago, Sanchez eta Iglesiasen itunean
Espainiako Gobernuak eta Podemosek hainbat puntu adostu dituzte 2019ko Aurrekontuen negoziazioan: lanbide arteko gutxieneko soldata (LGS) 900 eurora igotzea, etxebizitzaren Estatuko planera diru gehiago bideratzea eta maizterrek babes gehiago jasotzea eta udalek alokairuen prezioak arautu ahal izatea.
Informazio agentzia ezberdinek jakinarazi dutenez, Gobernuak eta Podemosek bilera egin dute gaur berriro, Moncloan. Hantxe itundu dituzte aurretik aipatutako puntuak, baita beste bi hauek ere: amatasun eta aitatasun baimen parekatuak eta mendekotasun laguntzan hobekuntzak.
Esan bezala, gutxieneko soldataren igoera izan da hitzartutako gaietako bat. Podemosek 1.000 eurora arteko igoera nahi zuen; Gobernuak, ordea, 850 eurora artekoa. Azkenik, erdibidean utzi dute LGS delakoa.
Bestalde, 130.000 eurotik gorako soldata jasotzen dutenei pertsona fisikoen errentaren gaineko zerga igoko diete. Kontu horretan ere desadostasunak zituzten Sanchezek eta Iglesiasek, hasiera batean. Lehenak 140.000 euroko soldatetan aplikatu nahi zuen igoera. Bigarrenak, berriz, 120.000 eurotik gorako lansarietan.
Era berean, 10 milioi eurotik gorako ondasuna dutenei % 1 igoko diete ondarearen gaineko zerga
Jokoaren eta online apustuen publizitateari zuzendutako araudi berria onartzea ere adostu dute. Hala, tabakoaren publizitatearekin hartutako antzeko neurria aplikatuko dute jokoan ere.
Halaber, 1.000 eurora mugatuko dituzte enpresarien arteko eskuzko ordainketak, ezkutuko ekonomia saiheste aldera. Orain arte 2.500 eurora arteko ordainketak onartzen ziren.
EAJk proposamen bat egingo dio Sanchezi, eta EH Bilduk positibotzat jo ditu neurriak
Aitor Esteban EAJk Kongresuan duen bozeramaileak ziurtatu du Pedro Sanchezen Gobernuari Aurrekontuekin lotutako planteamendu "egingarri eta arrazoitua" aurkeztuko diotela, eta argitu du ez direla inoren "jarrera larderiatsuaren" beldur.
Gainera, ulergarritzat jo du Espainiako Gobernuak lehenik eta behin Podemosekin adostea Aurrekontuak, baina gogorarazi du bost alderdi politikorekin hitzartu behar dituela kontuak. Ildo horretan, une hori iristen denean elkarri trabarik ez egitea espero du Estebanek.
Bestalde, Marian Beitialarrangoitiak esan du EH Bilduk begiz onez ikusi dituela Espainiako Gobernuak eta Unidos Podemosek arlo sozialean adostutako neurriak, Alderdi Popularrak ezarritako murrizketekin amaitzeko balioko dutelakoan.
Alabaina, gogora ekarri du Pedro Sanchezek ez duela gehiengorik Diputatuen Kongresuan eta, beraz, Estatuko Aurrekontuak onartzeko "Euskal Herriko eta Kataluniako soberanisten babesa" ere beharko duela.
"Gure aldarrikapenak zeintzuk badaki, hasieratik jarri ditugulako mahai gainean; gure babesa nahi badu, hitzetatik ekintzetara pasa beharko du eta Kataluniako herritarren erabakitzeko eskubidea aitortu egin beharko du", azpimarratu du EH Bilduren Kongresuko bozeramaileak.
Albiste gehiago politika
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "bere garaian egiten zen aurreikuspena zen une honetan instalazio hori erabiltzen duten autobus askok, Gasteiz edo Bilbo jatorri-helmuga dutenek, desagertzeko joera izatea euskal 'Y' abiadura handiko trenaren zerbitzua martxan jartzean" lehiakorragoa delako, baina hori "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak Txiki eta Otaegi biktimak direla azpimarratu du, baina urteurrena ez instrumentalizatzea eskatu du
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzako bozeramailean gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.