Rajoyk hartutako konpromisoak betetzea eskatuko dio EAJk Sanchezi
Mariano Rajoyren Exekutiboak hartutako konpromisoak betetzea eskatuko dio EAJk Pedro Sanchezen Gobernuari, Estatuko Aurrekontu Orokorrak babesteko baldintza bezala. Gainera, euskal gizartearen “eskakizun berriak” helaraziko dizkio.
Hala eta guztiz ere, “zentzuz eta erantzukizun politikoarekin jokatu” eta “egonkortasuna emateko” planteamenduak mahai gainean jarriko dituzte jeltzaleek.
Hala ere, oraingoz Estatuko kontu publikoen inguruan hitz egiteko deirik ez dute jaso, baina “presa sartzeko” asmorik ez dute, Euzkadi Buru Batzarreko iturriek zehaztu dutenez.
Gobernu sozialista aurrena Podemosekin akordio batera heltzea “logikoa” dela uste du EAJk. Horrela, deitzen dietenean, eseri eta aurrekontuez hitz egingo dutela ziurtatu dute jeltzaleek.
Pedro Sanchezen eta Pablo Iglesiasen artean adostutako itunaz iritzia ematea saihestu du EAJk; izan ere, akordioa datozen egunetan aztertuko du.
Jeltzaleen hitzetan, “egonkortasuna emateko” borondatea dute, 2019ko Estatuko Aurrekontu Orokorrak aurrera ateratzeko akordioa bilatuko dutelako. Rajoyren Exekutiboaren kontuak babestuta, helburu “berdina” izan zutela gogorarazi du EAJk.
“Heredatutako konpromisoez” gain, azken hilabeteetan Euskaditik egin diren “eskakizun berriak” planteatuko dituzte jeltzaleek.
2019ko aurrekontuak Diputatuen Kongresuan aurkeztu bitartean, EAJ, ERC eta PDeCATekin negoziatzen hasteko asmorik ez du Pedro Sanchez Espainiako gobernuburuak, hau da, azaro bukaera edo abendu hasierara arte.
“Pazientzia”, esan die kazetariei, Errege Jauregian egindako harreran. Unidos Podemosekin adostutako akordioaren ostean, kontu publikoak Ganberara 150 boto baino gehiagoren babesarekin helduko direla gogorarazi du Sanchezek, Jose Maria Aznarrek bere aurreneko legealdian egin bezala.
Sanchez eta Iglesiasen artean adostutako aurrekontuak “txantxa bat dira edukian zein forman”, adierazi du Pablo Casado PPko presidenteak. EAJk kontuak “irensteko” zailtasunak izango dituela iragarri du Casadok.
Sanchezek eta Iglesiasek ostegunean sinatutako aurrekontu akordioa hizpide izan du Casadok, Errege Jauregian egindako harreran.
“Aurrekontuak txantxa bat dira edukian zein forman, bazkideagatik, gastu-mugagatik… Edonoiz aurrekontuak Twitter bidez aurkeztuko dizkigute”, kritikatu du PPko buruzagiak.
PSOEk eta Podemosek EAJren eta, gutxienez ERCren edo PdCATen, babesa behar dute, datozen urteko kontuak aurrera ateratzeko. Jeltzaleen kasuan, Sanchez eta Iglesiasen akordioari oniritzia emango ote diotenaren zalantzak agertu ditu, neurri ekonomikoei begiratuta.
“Hori irenstea asko kostutako zaio EAJri”, adierazi du Casadok.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".