Estatutua behingoz betetzeko eskatu dio Urkulluk Sanchezi, 39 urtez ez baitute egin
Estatutua 39 urtez bete ez dela eta, ez betetze horri amaiera emateko eta oraindik transferitu gabe dauden Estatutuko eskumenak eskualdatzeko egutegia prestatzeko eskatu dio Iñigo Urkullu lehendakariak Pedro Sanchez Espainiako Gobernuko presidenteari.
Gernikako Estatutua bere osotasunean betez gero, horren atzean izango litzatekeen mezua azpimarratu du lehendakariak Bilbon, Forum Europan egindako agerraldian. Izan ere, "adostasunaren aldeko bidea irekitzea" ekarriko luke berriro, horren hitzetan.
Estatutuan jasotako 37 eskumen oraindik transferitu gabe daudela gogorarazi ondoren, eskumen horietako 30 transferitzea bideragarritzat jo zuen Sanchezek, Urkulluren esanetan. Hori dela eta, eskualdatzeak egiteko egutegia zehazteko eskatu dio Espainiako presidenteari, 39 urtez bete gabe egon dena betetzeko.
"Inkomunikazioaren bide zalantzagarrien ordez adostasuna eta bizikidetza ekarriko dituen bidea aukeratu behar da", azpimarratu du lehendakariak.
Gainera, "akordioa zabaltzea" posible dela eta "ukapenik eta inposiziorik gabe adostasunaren eta bizikidetzaren alde" egin daitekeela adierazi du. Horretarako, baina, Euskadiren "nazio-izaera" aitortu, "erabakitzeko gaitasuna" argitu eta bi aldeko sistema "eraginkorra" bermatu behar dela gaineratu du.
"Adostasuna eta elkarbizitza bultzatzen jarraitu ahal dugu, aniztasunaren errespetutik", azaldu du Urkulluk, eta "elkarrizketa giroa" lortzen tematuko dela, euskal estatus berria "zabaltze aldera", Euskadiren "nazio-izaera" aitortzeko.
Horren harian, erabakitzeko gaitasuna "argitzeko" eta Estatuarekin bi aldeko sistema "eraginkorra" bermatzeko eskatu du Urkulluk. "Ez da garaia gure inguruan (politika munduan zein erakundeetan) ikusten den borroka latza Euskadira eramateko", horren aburuz.
Kataluniako egoera
Bestalde, "erabaki adostuak onartzeko" eskatu die Urkulluk Joquim Torra Generalitateko presidenteari eta Pedro Sanchez Espainiako Gobernuko presidenteari, "egoera oso larria" baita Katalunian.
Kataluniako egoera "oso kezkagarria" da, lehendakariaren hitzetan, baina "ez da gaizki egindakoez hitz egiteko garaia". Horren aurrean, Kataluniako eta Estatuko erakundeak jokoan dagoenaz ohartzea espero duela adierazi du.
Urkulluren ustez, "gero eta zailagoa da konponbidea bilatzea, euren burua sozialtzat duten mugimendu sasi-politiko batzuek elkarrizketaren bidez konponbiderik ez lortzea nahiago dutela ematen baitu".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.