Kataluniako prozesu independentistari bultzada emateko Kontseilua abiatu dute
Kataluniako prozesu independentistari bultzada ematea helburu duen Errepublikaren aldeko Kontseilua aktibatu du astearte arratsalde honetan Carles Puigdemont Kataluniako Generalitateko presidente ohiak. Generalitateko Jauregian egin duten ekitaldi batean bideokonferentziaz agertu da, eta “lotsarik gabe” errepublika egiteko deia luzatu du. Ildo horretatik, erakundea Belgikako araudipean antolatuko den erakunde “pribatua” izango dela azpimarratu du.
Quim Torra Kataluniako Generalitateko presidentearekin batera gobernukide guztiek hartu dute parte ekitaldian. Antoni Comin kontseilari ohiak Bruselatik zuzenduko du erakundea, eta Puigdemontekin batera agertu da bideokonferentziaz. Independentziaren alde dauden erakunde ezberdinetako ordezkariak ere bertan izan dira.
JxCat alderdiko kideak nabarmendu duenez, Kataluniako errepublika helburu izanik “modu koordinatuan” aritu beharko dira lanean Errepublikaren aldeko Kontseiluan. Hala, Espainiako Estatuaren “mehatxurik gabe” aurrera egin ahal izango duela nabarmendu du. Izan ere, erakundeak Belgikako legedia oinarri hartuko duenez, 155. artikulua ezartzeko aukera ez dela egongo ziurtatu du.
Gauzak horrela, soilik independentista guztien artean “konfiantza” badago eta elkarlanean jarduten badute “Estatu autoritarioari garaitu” ahal izango diotela esan du. Hala, errepublika denen artean egin behar dela ziurtatu du.
Puigdemontek azaldu duenez, erakunde horrek Kataluniako prozesu independentista nazioartera zabaltzea izango du helburu. Halaber, nazioarteko herrialdeek “Kataluniako errepublika” aitortzea bilatuko dutela esan du. Azkenik, haien artean egingo dituzten “behar besteko eztabaidez gain, herritarren parte hartzea ezinbestekoa” izango dela gaineratu du, Kataluniaren independentzia aldarrikatu ahal izateko.
Kontseilua independentziarako “palanka” izango dela dio Torrak
Quim Torra Generalitateko presidentearen ustez, Errepublikaren aldeko Kontseiluak “independentzia eskuratzeko bidean palanka gisa erabiltzeko” balioko du. “Ez gara honaino etorri autonomia berregiteko, ezta Autonomien Estatuaren hondakinak kudeatzeko ere”, azpimarratu du.
Kataluniako gizartea monarkiaren aurka, errepresioaren kontra eta autodeterminazio eskubidearen alde dagoela eta hiru ildo horietan adostasuna zabala dela gogoratu du.
“Hiru oinarri horiek aintzat hartuta ari gara zilegitasun osoz ekimenak martxan jartzen”, erantsi du.
Kataluniako buruzagi independentisten aurkako epaiketari dagokionez, absoluzio-epaia eta erbestean dauden politikarien itzulera soilik onartuko dutela berretsi du.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.