'Distentsioaren' eta 'elkarrizketaren' bidea defendatu du Urkulluk Torraren aurrean
“Distentsioaren eta elkarrizketa politiko eta instituzionalaren bideari eusteko beharra” azpimarratu dio gaur Iñigo Urkullu lehendakariak Quim Torra Generalitateko presidentari.
Urkulluk eta Torrak bilera egin dute gaur Ajuria Enea jauregian, Gasteizen. Egoera politikoa aztertzeko bien arteko lehen hitzordua izan da. Ondoren agerraldi bateratua egin dute. Bi erkidegoen autogobernuan sakontzeko estrategia ezberdinak agerian utzi dituzte bi buruzagiek.
Diputatuen Kongresuko “egungo gehiengo parlamentarioa aprobetxatzeko beharra” nabarmendu dio lehendakariak Torrari, konponbide bat bilatzen saiatzeko.
Bestalde, “politikoa den arazo bati irtenbide politikoak bilatzeko aldebiko harreman" bat eskatu dio Torrak Espainiako Gobernuari.
Abenduaren 21ean, Bartzelonan, egin beharreko Ministroen Kontseilua hizpide izan du presidentak. Kataluniako eta Espainiako exekutiboen “aldebiko” bilera bat antolatzeko aukera ikusten du Torrak.
“Bilera sakon bat nahi dugu, Kataluniako gizartearen mahai gainean dauden gaiak aztertzeko”, adierazi du presidentak. Pedro Sanchezekin Moncloan bildu zenean, berriz batzartzeko gonbita egin ziola gogorarazi du Torrak, baina “hilabeteak” itxaroten eman dituela gaineratu du.
Torrak joan den udaberrian kargua eskuratu zuenetik bi agintariek egin duten lehen bilera izan da. Katalunia tentsio aldi gorenean murgilduta zegoenean, Urkulluk berak bitartekaritza lanak egin zituen Carles Puigdemonten gobernuaren eta Mariano Rajoyren exekutiboaren artean.
Urkulluk aldebakarreko independentzia aldarrikapena saihestu nahi zuen bi aldeekin hitz eginez. Halaber, Espainiako Konstituzioaren 155. artikulua ez ezartzeko eskatu zion Rajoyren gobernuari. Gauzak horrela, Katalunian aurreko egunetan bizitako tentsioa zertxobait baretu zela zirudien 2017ko urriaren 25eko gauean.
Dena dela, Carles Puigdemont Generalitatearen presidenteak atzera egin zuen Katalunian hauteskunde aurreratuetara deitzeko asmoan, Espainiako Gobernuak 155. artikulua ez aplikatzeko bermerik eman ez ziolakoan. Hauteskundeen bitartez, baina, 155.a saihets zezakeela aholkatu zion Urkulluk Puigdemonti.
Asteazken honetan, Torrak eta Urkulluk lan-bazkaria izan dute Ajuria Enea jauregian. Ondoren, Kataluniako Generalitateko presidentea Donostiara joan da, eta Gure Esku Dago ekimenak gonbidatuta, Kataluniako egoeraren inguruko hitzaldia eman du Kursaal jauregian.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.