Azken egunetako gertakariak 'muntaiaren' isla direla esan dute Altsasukoen gurasoek
2016an Altsasun bi guardia zibili eta haien bikotekideei eraso egiteagatik atxilotutako zortzi gazteen gurasoek baieztatu dutenez, azken egunetako gertakariek argi erakutsi dute auzi guztia "muntaia" izan dela, eta askok "interesak" dituztela horretan.
2 eta 9 urte bitarteko kartzela-zigorrak bete beharko dituzten gazte horien gurasoak batzen ditu Altsasu Gurasoak taldeak. Hain zuzen ere, talde horretako ordezkariak izan dira igandean Nafarroako aipatu udalerrian egingo duten ekitaldiaz mintzatu direnak. Prentsaurrekoan, argi utzi dute auzi horretan "interes zehatz batzuk" daudela.
"Muntaia politiko eta juridikoa da. Eta muntaia da, baten batek interesak dituelako", esan du Bel Pozuetak talde horren izenean. Halaber, zehaztu du iganderako España Ciudadanak deitutako ekitaldia muntaia horren "adierazpen bat gehiago" dela.
Horregatik, azken urteotan Altsasu "duintasun eta justizia ikur bilakatu dela", eta "herriaren ahotsa beti zentzuzkoa izan dela" nabarmendu du.
Kasu honetan, istiluak saiheste aldera, herritarrek ekitaldi horri erantzun "herritarra, bateratua, zabala eta duina" emango diotela adierazi du Pozuetak, eta gaineratu du Altsasu Gurasoakek garbi daukala bere ildoa, alegia, "justizia bilatzea eta askatasuna eskatzea". "Gauzak horrela, ez dut inolako gatazkarik espero", azpimarratu du.
"Orain arte, une kritikoetan, Euskal Herriak eta Altsasuko herriak zentzuz jokatu dute, eta zuhurtasun horretaz fidatzen gara", esan du. "Esperientziak erakutsi digu momentu kritikoek batu eta indartu egin gaituztela", bukatu du.
Hausnarketarako jardunaldiak
Bestalde, Altsasuko auziari buruzko hausnarketa egiteko jardunaldiak izango dira azaroaren 16an eta 17an Iruñean. Legelariak, kazetariak, eragile sozialetako kideak, Europako erakundeetako ordezkariak eta gazteak bilduko dira bertan.
Gaztelu plazan informazio gunea egongo da eta kartzelako ziega bat irudikatuko dute. Txandaka, 24 pertsona igaroko dira handik, gazte altsasuarrek espetxean 24 hilabete daramatzatela gogoratzeko. Bideoak emitituko dituzte eta kontzertu bat izango da.
Katakrak liburu-dendan, berriz, hausnarketarako eta eztabairako bost foro izango dira. Altsasuko auzian izandako irregulartasun juridikoak, komunikabideen papera edo gizarteak eman duen erantzun aztertuko dituzte, besteak beste.
Ekimena Altsasu Gurasoak eta Altsasukoak Aske plataformak antolatu dute.
Horrez gain, Adur Ramirez de Alda eta Iñaki Abad Zaballako kartzelara eraman dituztela baieztatu dute gaur haien senideek. Gainerako bost auzipetuak irailetik daude han.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.