Estatutu berriaren proposamena geldiarazteko PPren eskakizuna errefusatu du EAJk
EAJren eta EH Bilduren artean adostutako Estatutu berriaren proposamena geldiaraztea eskatu du gaur PPk Eusko Legebiltzarrean, baina jeltzaleek kontrako botoa eman dute. 2019ko aurrekontuak negoziatzeko baldintza bezala jarri zuen Alderdi Popularrak.
Eusko Jaurlaritza oposizioko bi alderdirekin (EH Bildu eta Elkarrekin Podemos) bildu baino egun bat lehenago eman da eztabaida. Azken bi urteetan aurrekontuak onartzea ahalbidetu du PPk, baina oraindik ez dute hitzordurik.
Legez besteko proposamenak PPko legebiltzarkideen babesa jaso du soilik; izan ere, gainerako taldeek kontrako botoa eman dute. EAJren eta EH Bilduren artean adostutako testua legelari adituen taldeari bidalita, martxan jarritako prozedura bertan behera uztea eskatu dio ekimenak Autogobernu Lantaldeari. Era berean, “indarrean dagoen ordenamendu juridikoaren barruan” akordio “zabalago” bat lortzeko bilera gehiago egitea eskatu dio.
PSE-EEren osoko zuzenketa ere ez da aurrera atera. Indarrean dagoen legalitatea errespetatuz Gernikako Estatutua erreformatzea aldarrikatu dute sozialistek. Elkarrekin Podemosen ekimenak ere ez du babes nahikorik lortu. Koalizio morearen ahotan, oinarrizko akordioak alderdi gehiagoren babesik ez lortzea “porrot politiko izugarria” da.
EH Bilduren tesia “erosi” izanagatik EAJ kritikatu du Alfonso Alonso PPko bozeramaileak. Alonsoren hitzetan, “euskal bidea disuasio nuklearra da”.
Oinarrizko akordioa dagoeneko EAJrena eta EH Bildurena ez dela gogorarazi du Joseba Egibarrek (EAJ), Eusko Legebiltzarrarena baizik. “Adostasunaren izenean, aurrera egin beharrean, zangotrabatzea”, kritikatu du jeltzaleak.
Alonsoren ekimena eskertu du Maddalen Iriartek (EH Bildu), osoko bilkuraren “gehiengoak” oinarrizko akordioari “babesa eman” diolako. Horrela, testuak “beste pauso bat emango” duela gaineratu du.
“Aniztasuna” aitortu eta “haustura arriskua saihesten duen lauko akordio bat” lortzeko laguntza eskaini du Lander Martinezek (Elkarrekin Podemos).
Azkenik, ordenamendu juridikoa urratu barik eskumen tresnak modernizatzeko aukera dagoela uste du Susana Corcuera sozialistak, EAJk eta EH Bilduk adostutakoaren aurka agertu ondoren.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
AEBk ostegunean berriro erreklamatu zuen NATOko herrialde guztiek, Espainiak barne, % 5 bidera dezaten defentsara, Pedro Sanchez Espainiako Gobernuko presidenteak NATOri jakinarazi ostean ez zuela defentsa gastua horraino igotzeko konpromisorik hartuko.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".