Milaka pertsonak Euskal Errepublika aldarrikatu dute Bilbon
Milaka pertsonak Bilboko kaleak zeharkatu dituzte Euskal Errepublika aldarrikatzeko. Martxa EH Bilduk antolatu du eta 5.000 bat lagun (Udaltzaingoaren arabera) elkartu dira. Arnaldo Otegiren esanetan, egungo Konstituzioa "herrien kartzela bat" da. Bestalde, aliantza handien aldeko apustua egin du, Estatuko "inboluzio demokratikoaren" aurrean.
Martxa eguerdian abiatu da Moyua plazatik, aurrean "Euskal Errepublika" idatzita zuen pankarta EH Bilduko ordezkariek eskuan zeramatzatela.
Manifestazioan Maddalen Iriarte, Arkaitz Rodriguez, Pello Urizar, Jone Goirizelaia eta Jasone Irarragorri izan dira, besteak beste.
Manifestazioa Areatzan bukatu da, eta orduan Miren Aranoa nafarrak, Oihana Etxebarrieta legebiltzarkideak Pablo Gorostiaga Laudioko alkate ohiak, Bea Ilardia EH Bilduren Bizkaiko hautagai nagusiak eta Arnaldo Otegik hartu dute hitza.
Politika-ekitaldian, Otegik baino lehenago hitz egin duten ordezkari abertzaleek gogora ekarri dute zer ekarri zuen Konstituzioa onartzeak; izan ere, "Euskal Herria itotzen du" Konstituzioak; halaber, nabarmendu dute emakumeek ultraeskuindarraren aurrean duten "boterea", eta Altsasuko kondenatuentzako askatasuna eskatu dute.
Arnaldo Otegik, aldiz, Konstituzioaren 40. urteurrenaren harira, gogorarazi du duela 40 urte "batzuk faxistak" zirela, "oheratu zirenean", eta "demokrata" altxatu zirela, "euren uste sendoak gorabehera". Otegiren iritziz, ez zen trantsizio demokratikorik egon, baizik eta transakzio bat, alegia, "dena ondo lotuta zuen mozorro-dantza bat; zerbait alda zedin, ezer ez aldatzeko xedearekin": "Txakur berak, lepoko desberdinekin", adierazi du.
Albiste gehiago politika
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Ohar bateratu batean, bi elkarteek, halaber, erakunde publiko, lokal, autonomiko eta estatal guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau herriko etxe auzitara eraman ditu, Palestinako bandera eskegitzeagatik
Funtzio publikoari aurreikusten zaion neutraltasuna haustea leporatzen die Urruña, Ozaze, Izura eta Itsasuko herriko etxeei. Ipar Euskal Herriko beste lau herriko etxek ere jarri dute bandera palestinarra, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.