Kataluniako Errepublikaren Kontseilua aurkeztu dute Torrak eta Puigdemontek Bruselan
Kataluniako Generalitateko presidente Quim Torrak eta presidente ohi Carles Puigdemontek Errepublikaren Kontseilua aurkeztu dute Bruselan. Egoitza Belgikan duen erakunde pribatua izango da, eta ez Kataluniako Gobernuarena.
800 pertsona inguru izan dira Flandriako Antzerki Errealean; tartean, Pere Aragones presidente ordea, Jordi Pugnero, Josep Bargallo, Damia Calvet eta Laura Borras kontseilariak eta Toni Comin, Lluis Puig eta Clara Ponsati kontseilari ohiak.
Gainera, Valtonyc raperoak eta Lluis Llach kantautoreak emanaldia eskaini dute.
Independentisten batasuna
Independentistei "batzeko" deia egin die Puigdemontek. "Batasun aldarri bat dago Katalunia osoan zehar, eta entzun beharko genuke. Ez badugu egiten, ez dugu politikatik egin beharrekoa egiteko autoritate morala. Eta hori gertatzen bada, autoritate morala galtzen badugu, lortu dugun guztia galduko genuke, eta hori asko da", esan du ekitaldiko azken hitzaldian.
Esan duenez, Errepublikako Kontseilua independentismoaren "batasun estrategiko hori eratzeko espazioa" da. "Espazio anitza, ahal den bezain anitza eta plurala", azpimarratu du.
Juridikoki Belgikan osatua, Kontseiluak "askeagoak" izatea ahalbidetuko die independentistei 155. artikuluaren aplikazioaren aurrean, eta "jokatzeko esparruari" jarritako "mugak" kenduko ditu, beti "Europako" Zuzenbide Estatuaren barruan.
"Erakundeak heldu ezin diren tokira joango da Kontseiluaren Errepublika", esan du.
Puigdemontek Kontseiluaren lehendakaritzan jarraituko du, eta sei hilabete eta urtebete arteko epean hauteskundeak egingo dira. Momentuz, 40.000 pertsonak eman dute izena erakundean.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.