EH Bildu, Eusko Jaurlaritzak emandako ultimatumari buruz: 'Erabakia haien esku dago'
Maddalen Iriarte EH Bilduko legebiltzarkideak adierazi du 2019ko Aurrekontuak onartzeko koalizio soberanistak Eusko Jaurlaritzari egin dion proposamena "zehatza eta gauzagarria" dela eta erantsi du oraindik badagoela denbora Gobernuak aukera horri "seriotasunez" hel diezaion.
"Ultimatuma Jaurlaritzak berak ezarri dio bere buruari, guk eskua luzatuta segitzen dugu eta akordioa lortzeko edukiak zeintzuk diren jakin badakite. Beraz, erabakia haien esku dago orain", azpimarratu du.
Legebiltzarrean bilkura egin dute gaur goizean Elkarrekin Podemosek eta Alderdi Popularrak aurkeztutako osoko zuzenketak eztabaidatu eta bozkatzeko. EH Bilduko 16 legebiltzarkidek Eusko Jaurlaritzaren proiektuaren kontra bozkatu dute, baina beste bi abstenitu egin dira eta, ondorioz, egitasmoaren tramitazioa ahalbidetu dute.
Iriartek azaldu du EAJk eta PSE-EEk aurkeztutako Aurrekontuak ez direla EH Bildurenak eta azken asteotako negoziazioaren bidez Eusko Jaurlaritzaren politikak "aldatu" nahi dituztela, "pentsiodunak pobreziatik ateratzeko, emakumeek bizimodu autonomoa izan dezaten eta kalitatezko enplegua bultzatzeko".
Beraz, bi abstentzioak "eskuzabaltasunez eta arduraz" jokatzeko egindako hautuaren adierazle direla esan du.
"Tamalez, oraindik Jaurlaritzak ez du pentsio baxuenak osatzeko konpromisorik hartu; ahalegin handiak egin ditugun arren, Jaurlaritza oraindik ez dago milaka pentsiodunei erantzun positibo bat emateko moduan", kritikatu du Iriartek.
Nolanahi ere, EH Bilduk ez du partida galdutzat eman eta Jaurlaritzaren zain dagoela adierazi du. "Urkullu jauna, zure erantzunaren zain gaude; hau ez dadila izan iragarritako luzapen baten kronika", nabarmendu du.
Iriartek berretsi egin du EH Bilduren proposamena "zehatza eta gauzagarria" dela eta oraindik akordioa lortzeko denbora badagoela, baina erabakia hartzea Eusko Jaurlaritzari dagokiola.
Ildo horretan, gogora ekarri du koalizio soberanistaren proposamenaren oinarriak "oso argiak" izan direla hasieratik: 858 euroko gutxiengo pentsioa eta kalitatezko enpleguaren aldeko apustua egitea. "Hau ez da ateraldi bat, eta zuek ondo dakizue hori", gaineratu du.
"Herri honek ez du pobrezia kudeatu behar; herri honek ongizatea kudeatzea nahi dugu eta horretarako Aurrekontu hori zuzendu egin behar da", azpimarratu du.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.