Gaur EH Bildurekin akordioa lortu ezean, proiektua erretiratuko du Azpiazuk
Abenduaren 12ko 24:00ak baino lehen EH Bildurekin aurrekontuen inguruko akordiorik lortzen ez badu, Eusko Jaurlaritzak 2019ko lege-proiektua erretiratuko duela iragarri zuen atzo, asteartean, Pedro Azpiazu Ogasun eta Ekonomia sailburuak.
Aurrekontuei aurkeztutako osoko zuzenketak eztabaidatzeko eta bozkatzeko atzo Eusko Legebiltzarrean egin zuten bilkuran egin zuen iragarpena Azpiazuk. Ultimatum horrek bereganatu du arreta guztia, eta zuzenketen eztabaida eta bozketa bigarren maila batean geratu ziren. Dena dela, atzoko izapidea gainditu dute 2019ko kontuek, EH Bilduren bi legebiltzarkidek zuri bozkatu baitzuten. Hala, Jaurlaritzak proiektua erretiratu ezean, aurrera jarraituko du egitasmoak.
Azpiazuk koalizio abertzaleari egindako azken proposamena defendatu eta akordioa lortzeko epemuga jarri zuen: asteazken gauerdia. Sailburuaren esanetan, EH Bilduren negoziatzeko borondatea "lausotzen" joan da egunek aurrera egin ahala, eta, horren aurrean, Jaurlaritzak "zentzuzko eskaintza betegarriak" egin ditu.
"Jaurlaritzaren behin betiko eskaintza da honakoa", erantsi du Azpiazuk, eta dei egin dio EH Bilduri zirt edo zart egiteko.
Asteazkena amaitu baino lehen akordiorik ez badago, Jaurlaritzak aparteko gobernu bilera deituko du ostegunean proiektua erretiratzeko. Aurrekontuen Batzordea egun horretan, 09:00etan, da biltzekoa zuzenketa partzialak eztabaidatzeko. Beraz, bilera hori hasi baino lehen egin beharko luke atzera Jaurlaritzak.
Proiektua erretiratu ezean, Jaurlaritza beldur da oposizioak ez ote dituen indarrak batuko Urkulluren Gobernuaren egitasmoa aldatzeko, hilaren 13tik aurrera. "Gobernuak aurrekontuen inguruko kontrola galduko luke, eta hori ezingo genuke onartu", azaldu du Azpiazuk.
Iriarte, bilkura jarraitzen. Argazkia: EFE
Ultimatuma gorabehera, "eskua luzatuta" dutela erantzun dio Maddalen Iriarte EH Bilduko bozeramaileak Azpiazuri. "Zeuen buruari jarri diezue ultimatuma. Gure akordioaren edukiak ezagutzen dituzue. Zuen esku dago", esan du.
Osoko zuzenketen bozketa
Eusko Legebiltzarrak Elkarrekin Podemosen eta PPren osoko zuzenketak baztertu eta proiektua Jaurlaritzari itzultzea errefusatu du. Kontrako 37 boto izan dira (EAJ eta PSE-EE alderdienak), aldeko beste 36 (Elkarrekin Podemos eta PP alderdienak eta EH Bilduren 16) eta bi boto zuri.
Lander Martinez Elkarrekin Podemoseko bozeramailearen hitzetan, aurrekontu horiek "jende arruntari kea saltzeko" egin dituzte, EAJren politika "neoliberal eta antisozialak" biltzen dituztelako, eta ez dituztelako gizartearen arazoak konpontzen.
Anton Damboreneak (PP) deia egin dio EAJri ezker abertzalearekin dituen akordioak "bertan behera uzteko". Horren ustez, "hobe litzateke aurrekontuak luzatzea klase ertainari kalte egiten dion proiektu bat onartzea baino".
EH Bilduren jarrera deitoratu du Azpiazuk
Jaurlaritzaren negoziazio borondate "erreala eta leiala" izan arren, EH Bilduren jarrera "lausotzen joan da", Azpiazuren hitzetan. "Espero dut horren atzean ez egotea oposizioan betiko egoteko asmoa edota Euskadi zuzentzeko aukeraren aurrean beldur eszenikoa edukitzea", gaineratu du.
Azpiazuren ahotan, "inork ez luke ulertuko egindako lan handiaren ostean atzera egitea; niretzat etsigarria litzateke".
Azpiazu eta Iriarte, berbetan, osoko bilkura hasi baino lehen. Argazkia: EFE
Sailburuak pentsioen auzia gogora ekarri du, eta kritika egin dio koalizioari: "Espero dut EH Bildu euskal pentsiodunak erabiltzen ez egotea, ezinezkoa zela zekiten hori sinestarazi ez izana".
Jaurlaritzak "erantzukizunez eta inor engainatu barik" jardun duela nabarmendu du Azpiazuk, baina "edozein prezio" ordaintzeko prest ez dagoela erantsi du.
Era berean, egitasmoa erretiratuta ere, Diru-sarrerak Bermatzeko Errentan (DBE) eta enpleguan EH Bildurekin adostutako hobekuntzak aurrera ateratzeko eginahalak egingo dituztela aurreratu du sailburuak.
Pentsioak DBEren bitartez osatzeko eskaintza
Diru-sarrerak Bermatzeko Errentaren bidez 2020an pentsio baxuenak 823 euroraino osatzea proposatu zion atzo Eusko Jaurlaritzak EH Bildu koalizioari. Hain zuzen ere, pentsioen igoera mailakatua proposatu zuen Jaurlaritzak: % 7ko igoera 2019an, 783,65 euroraino, eta % 5ekoa 2020an, 823 euroko diru-saria osatu arte.
EH Bilduren esanetan, eskaintza hori "ez da nahikoa", baina iragarri zuen ez zuela babestuko 2019ko aurrekontu proiektua itzultzea, eta prozedura amaitu arte negoziatzen jarraituko zuela aurreratu zuen.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.