Espainiako Gobernuak eta Generalitateak 'elkarrizketa eraginkor' bat nahi dute
Espainiako Gobernuak eta Generalitateak agiri bateratu bat adostu dute, “elkarrizketa eraginkor” baten aldeko apustua egiteko. Kataluniako herriaren eskakizunei “segurtasun juridikoaren markoan” erantzun bat emateko aurrera egin nahi dute bi exekutiboek. Horregatik, urtarrilean bi gobernuen arteko beste bilera bat egitea espero dute.
Pedro Sanchez Espainiako gobernuburuaren eta Quim Torra Generalitateko presidentearen arteko bilera amaitu ondoren, Elsa Artadi Generalitatearen Presidentetzako kontseilariak agiri bateratua irakurri du.
“Kataluniako etorkizunaren inguruan gatazka” bat dagoela onartu dute bi exekutiboek, baina “jatorri, izaera eta konponbideen inguruko desadostasun esanguratsuak mantentzen dituzte”. “Kataluniako gizartearen babes zabala izango duen proposamen politiko bat aurrera eramateko elkarrizketa eraginkor” baten aldeko apustua egin dute biek.
“Irtenbide bat bermatzeko” helburuarekin, “segurtasun juridikoaren markoan, gizartearen beharrizanak artatzeko eta Kataluniako herritarren eskakizunei erantzun demokratiko bat eman ahal izateko elkarrizketa esparruak bultzatzeko” konpromisoa hartu dute gobernuek.
Dokumentuak ez du Kataluniaren “autodeterminazio eskubideaz” hitz egiten, baina arratsaldeko bileretan Kataluniako gizartearen “adostasunak” azaldu dira, besteak beste, “erreferendum baten beharra”, Artadik ziurtatu duenez.
Carmen Calvo, Meritxell Batet, Pere Aragones eta Elsa Artadi. Argazkia: EFE
Artadiren hitzetan, beste “adostasunak” izan dira: politika auzitegietan ez ebaztea, 155. artikulua berriz ez aplikatzea, auzipetu independentisten “errepresioarekin” bukatzea eta ikur frankistak ezabatzea. Azken puntu horretan Exekutibo zentrala eta Generalitatea elkarrengandik oso gertu daude, Kataluniako Gobernuko bozeramailearen arabera.
Artadiren ahotan, arratsaldeko batzarretan Estatuko Aurrekontu Orokorrak ez dira mahai gainean izan.
Bartzelonan edo Madrilen
Zentzu horretan, Governako bozeramaileak azaldu duenez, bi gobernuek beste bilera bat egiteko asmoa dute urtarrilean, Bartzelonan edo Madrilen. Orduan ministroak eta kontseilariak soilik bilduko lirateke. Gutxienez Carmen Calvo Espainiako Gobernuko presidenteordea eta Pere Aragones Kataluniako presidenteordea bertan izango dira.
Gaur Pedralbes jauregian egindako bileraren formatuari dagokionez, hiru batzar egin dituztela ziurtatu du Artadik: bat Sanchezen eta Torraren artean; beste bat Calvo, Meritxell Batet ministroa, Artadi eta Aragonesen artean; eta hirugarren batean guztiek parte hartu dute.
Bileran “guztiaz hitz egin” ahal izatea eskertu dio Torrak Sanchezi. Gainera, Espainia “desfrankizatzeko” eta “muturreko eskuina bakartzeko Estatu itun” bat eskatu dio.
Bestalde, PSOEren eta Podemosen artean adostutako Estatuko Aurrekontu Orokorren proiektua babesteko eskatu die Sanchezek indar parlamentarioei, eta Generalitateko presidentearen aurrean autokritika aldarrikatu du: “Guztiek gure hanka-sartzeez ikasi behar dugu”.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.